vgomez

Deseño do futuro reactor de fusión nuclear ITER a instalar en Cadarache (Francia) / ITER

Ata agora, cando se fala de reaccións nucleares de fusión sempre facemos referencia á enerxía do Sol e das estrelas (que teñen como combustible o Hidróxeno: H + H → He+ outros elementos + Enerxía). Pois ben parece que comenzou a carreira de reproducir na Terra ese proceso para obter unha fonte inagotable de enerxía e limpa: o proxecto ITER.

O proxecto ITER (International Thermonuclear Experimental Reactor) comenzou a súa vida en  outubro de 2007 e os sete socios principais que o forman son : China, Corea, Estados Unidos, India, Xapón, Rusia e a Unión Europea, tendo previsto a súa conclusión no 2018 coa montaxe final do reactor en Cadarache (Francia).

A noticia importante deste proxecto, a longo prazo, é que o pasado xoves concluíu a construcción do Divetor (Test Plataform Facility DTP2), peza clave do citado reactor.

O Divetor ten uns 20 m de lango e 650 toneladas de peso e foi construído en Tampere (Finlandia) por catro empresas europeas: unha de Luxemburgo, outra de Finlandia e dúas españolas: as catalanas Procon e Telstar. A súa misión é vital pois será a de retirar as cinsas de Helio que impedirían a reacción nuclear ao contaminarse o plasma ( estado no que a materia se atopa a altas temperaturas, irradia calor e adquire propiedades electricas) confinado. Como consecuencia ten que aguantar temperaturas de 100 millós de ºC (unha temperatura  10 veces a do interior do Sol)

Haberá que esperar ata o 2018 para ver se en realidade somos capaces de ter unha enerxía inagotable, pero tamén segura.

"Os elementos da vida" (Autor: José Carlos Vázquez Martínez. Premio Siega 2005)

Esta ferramenta ou recurso que hoxe propoño achega coñecementos de ciencias da natureza, medio natural, bioloxía, xeoloxía e medios de produción enerxética dende o punto de vista das materias de Ciencias da Natureza e Ciencias da Terra e Medio Ambiente. Inclúe máis de 30 animacións e amenos textos explicativos, a partir de catro puntos principais: aire, auga, terra e luz.

Sería interesante que vos centrásedes no primeiro punto AIRE, xa que é o tema que estamos a tratar. Para coñecelo pincha en OS ELEMENTOS DA VIDA

Estamos en época de lamprea. A lamprea (Petromyzon marinus), é un peixe sen mándíbula, de  corpo alongado e cilíndrico e con forma de serpe. É un ser moi primitivo e moi pouco evolucionado dentro do mundo animal, cunha antigüedade de 500 millóns de anos. Ten a boca en forma de ventosa (que lle permite ser parásito doutros animais mariños) e presenta sete buratos a ambos os lados do corpo (branquias) e non ten escamas. O seu esqueleto é cartilaxinoso. Nace nos ríos, medra no mar e volve de novo ao río para reproducirse, que é cando é capturada polos nosos pescadores.

A súa clasificación científica é:

REINO: Animal

FILO: Cordados.

CLASE: Cefalaspidomorfos.

ORDE: Petromyzondes.

XENERO: Petromyzon

Hoxe 4 de febreiro celébrase o DÍA INTERNACIONAL CONTRA O CANCRO. Neste ano o lema é "GÚSTAME FACER DEPORTE E COMER DE TODO" na que participan os principais actores  da versión española do musical "High School Musical".

Entre o 35% e ol 40% dos tumores poden previrse cunha alimentación san  exercicio físico dende a infancia. Por eso a campaña pretende fomentar os hábitos saudables entre os máis pequenos, cada vez con maior sobrepeso.

¡A tomar nota todos, pois a esta enfermidade estamos expostos calquera!

A revista "Nature" publica esta semana un estudo da Universidade de Toronto en Mississauga (Canadá) no que se indica o achádego dos restos fósiles da serpe máis grande coñecida ata agora.

Nesta receración de Jason Bourque (Nature) podemos ter unha idea do exemplar. O restos foron atopados en Carrejon (Colombia). Medía 13 m de longo e 1250 kg de peso. Foi bautizada co nome  científico de Titanoboa Cerrejonensis.

Segundo os científicos esta serpe necesitou unha temperatura moito maior que a actual para sobrevivir (pensemos que son seres poiquilotermos, é dicir que a temperatura do seu corpo depende da temperatura do medio), o que abre un  estudo para ver a evolución do clima da zona.

¡Como para atoparse con ela!

Nesta vineta de DÁVILA do xornal Faro de Vigo de hoxe, reflicte a situación de moitos pobos do interior de Galicia coas últimas neveradas, pero en clave de humor. Por certo, cantos de vós, meus alumnos-as quixerades estar na situación de non asistir a clase por neve e de paso disfrutar dela, pero a verdade é que ten tamén moitos inconvintes.

Comentando a viñeta: ¡Cada un ten as súas prioridades! ¡Despois de tanto tempo metido na casa!

A atmosfera terrestre actúa beneficiosamente nun proceso de regulación da temperatura gracias ao efecto invernadoiro, pois compórtase igual que os cristais ou plásticos dun invernadoiro, é dicir, deixa pasar as radiacións solares que quenta a superficie, pero impide a saída dunha gran parte das radiacións infravermellas que a superficie quente devolve; así mantén a calor.

Este fenómeno débese, sobre todo, ao CO₂ e ao vapor de auga. Grazas a sete efecto gozamos dunha temperatura media de 15ºC. Pero as cantidades de CO₂ levan aumentando  nas últimas décadas dunha forma alarmante, polo que o quentamento global é unha realidade. Hai unha relación directa entre o aumento de CO₂ na atmosfera e o aumento da temperatura.

Neste vídeo producido por Omnifile, faise un repaso a este proceso e demándase unha serie de actuacións, nas que todos podemos aportar un gran de area para tratar de que non vaia a máis.

A Consellería de Educación e Ordenación Universitaria acaba de irnformar da SUSPENSIÓN DAS ACTIVIDADES LECTIVAS PARA O DÍA 9, LUNS.

Se queres coñecer o documento emitido pola Consellería remitida a todos os Centros de Galicia pincha en NOTIFICACIÓN OFICIAL XUNTA DE GALICIA.

Neste asemana, concretamente o xoves día 12 de febreiro, cúmprense 200 anos do nacemento de Charles Robert Darwin (12-02-1809/19-04-1882) e 150 anos da publicación da súa principal obra: "A orixe das especies" (1859).

Son moitas as actividades adicadas durante todo o ano a este insigne científico. Pareceme especial a que adica o xornal dixital elmundo.es, cun traballo amplo e concienzudo. Nel podemos pasear pola súa biografía, a viaxe no Beagle, a Teoría da Evolución, curiosidades, etc. Todo pode contribuír a coñecer a este gran home.

Se tes interés en coñecelo mellor pincha en DARWIN: O pai da evolución

Nun evento celebrado na noite do venres en Los Ángeles (California-EEUU), entregáronse os Premios Grammy na súa 51 edición. Estes premios Grammy foron creados pola Recording Academy , que é unha asociación americana profesionalmente realacionada coa industria da música, e que pretende recoñecer os logros extraordinarios na industria da grabación. Están compostos por 105 categorías en 30 xéneros de música e otórganse por votación e non por índice de popularidade. O seu premio e símbolo é un gramófono dourado.

O premio a mellor canción foi para "Viva a vida" da banda británica Coldplay, que tamén levaron outros dous premios máis. Neste vídeo poder escoitar/ver a canción gañadora.

¡A/O adolescente deste vídeo pode ser calquera de vós!

Hoxe 10 de febreiro celébrase o Día Internacional da Internet Seguro. A Comisión Europea pon en marcha un novo programa "Internet Seguro 2009-2013", co que preténde atallar o cada vez máis estendido acoso por Internet, ou "ciberbullying", xa que é  unha das agresións más comúns entre as/os menores.

Nunca permitas esa situación. Procura non deixar datos persoais que te identifiquen na Internet. Un xogo pode rematar mal. Denuncia a situación ante pais, profesores ou titores.

Para máis información pincha en ANTI-BULLYING [Línea de Axuda contra o Acoso Escolar]

Dende estas páxinas, con motivo da celebración do Ano Internacional da Astronomía 2009, queremos facer referencia a figuras importantes, sobre todo mulleres que sempre estiveron en segunda fila, neste campo. Hoxe falaremos de HENRIETTA SWAN LEAVITT.

Naceu no ano 1868 e morreu en 1921. Astrónoma estadounidense. Membro dun grupo de rasteradoreas de estrelas do Observatorio de Harvard. Leavitt descubríu a relación período-luminosidade, un método novo para a medida de distanccia de obxectos astronómicos. Leavitt chegou a esta conclusión despois dun metódico e detallado cómputo das estrelas Cefeidas. Nun só ano, 1905, descubríu 843 novas estrelas variables na Nube Menor de Magallanes (esta cifra elévase ata 2.400 se se contabiliza o total da súa vida). Ademáis, temén achou catro novas. A súa importancia científica só foi apreciada despois da morte, en parte grazas ao intento de nomeala para o Premio Nobel en 1925, algo que resoltou imposible posto que este premio non se concede a título póstumo.

"A pesar das súas achegas á Astronomía, cando morreu o seu posto seguía sendo de "axudante".

¡Penoso!

Este é o nome dunha nova páxina de internet www.naturax12.com coa que a Obra Social de Caja Madrid petender ofertar unha nova ferramenta para aproximarse á natureza española.

Unha oportunidade que xa podedes coñecer pinchando en NATURAX12

A edición dixital da revista "Nature" acaba de publicar un estudo de universidades de Canadá, Alemaña e EEUU, sobre a idade da Lúa. O centro do estudo foi unha partícula  de circón (ZrSiO₄), un mineral de cor variable e pertencente ao grupo dos silicatoe está composto por circonio e silício e que se forma polo arrefriado de rocas fundidas. Este gran de circón, atopado na Lúa, ten, segundo o estudo, 4.417 millóns de anos, qu e a converte na mostra deste mineral máis antiga procedente dun corpo planetario do Sistema Solar.

Ata agora, a teoría  máis estendida sobre a orixe da Lúa defende que este satélite naceu tras unha colisión ocorrida hai máis de 4.500 millóns de anos entre a Terra e un asteroide do tamaño de Marte, do que xurdíu unha lúa cuberta por unha balsa de magma que posteriormente se foi arrefriando e solidificando.

Parece que volvemos ás andadas no que se refire ao emprego dos idiomas na nosa terra. Teimas e máis teimas  sen fundamento ningún. A miña modesta opión é que o idioma ten unha única misión fundamental: "server como medio de comunicaión que nos permita entendernos, transmitir mensaxes". Cada día tratamos de aprender novos idiomas con esa finalidade, e paréceme correcto. Pero nunca olvidemos o medio no que vivimos, o noso lugar, a nosa poboación, a nosa provincia, a nosa comunidade, e nela convivindo con moitos outros (pois viven moitas persoas de fóra da nosa comunidade e doutros países) debemos de coñecer e empregar o idioma de Galicia: o galelo. Merece respecto. Para os que pensan que o castelán, idioma que debemos de coñecer, está en perigo penso que con esta viñeta de O Carrabouxo do xornal La Región de onte, poden dispar dúbidas.

Imaxe da base polar Princesa Isabel (Antártida) Foto:AP

Unha nova base polar acaba de ser inagurada na Antártida. Trátase da denominada Princesa Isabel e é de nacionalidade Belga. Ata aquí parece unha notica normal dentro das investigacións internacionais nesta zona. O que a diferencia doutras noticias deste tipo é que esta base non emite gases contaminantes á atmosfera, xa que funciona unicamente con enerxía solar e eólica.

Se esto resulta factible nunha zona cun clima tan difícil,  como seguramente o será, xa non teremos escusa para aplicalo en paraxes moito máis temperados.

¡A enerxía verde cada pouco vai gañando terreo!

O pasado día 12 publicouse no DOGA a convocatoria de axudas para a participacación nas Aulas da Natureza 2009.

Esta convocatoria ten por obxecto promover a convivencia e integración dos alumnos participantes con outros compañeiros de distintas zonas e culturas, ademais da integración de alumnos de réxime xeral e alumnos con necesidades específicas de apoio educativo, no centro de programas educativos de Viérnoles en Torrelavega (Cantabria).

Poderán solicitar a súa participación os alumnos matriculados en centros sostidos con fondos públicos da Comunidade Autónoma de Galicia que teñan unha idade comprendida entre os 11 e os 13 anos durante o período de realización da actividade (Réxime xeral)

Os alumnos participantes desenvolverán a súas actividades en períodos de doce días no centro de programas educativos de Viérnoles en Torrelavega (Cantabria), de acordo coa seguinte distribución:

temporal:

1ª quenda: do 12 ao 23 de xullo de 2009.

2ª quenda: do 23 de xullo ao 3 de agosto de 2009.

3ª quenda: do 3 ao 14 de agosto de 2009.

O Prazo de presentación remata o 12 de marzo e as solicitudes presentaranse no IES.

Se queres coñecer esta convocatoria pincha en AULAS NATUREZA 2009

Ante estas imaxes, que teñen moitas interpretacións, parecen indicar a presenza de auga líquida no planeta Marte. As imaxes foron tomadas pola sonda Phoenix da NASA. Na imaxe parece apreciarse que a parte inferior da nave está salpicada do que parece auga.

Segundo a revista New Scientist indica que en Marte hai sales percloradas, que poden manter auga líquida a temperaturas baixo cero, actuando como un anticonxelante, facendo posible a existencia de grandes cantidades deste líquido baixo o chan do planeta.

¡Aínda queda moito por investigar!

O pasadao día 18, xoves, os compoñentes da AXENDA 21 ESCOLAR GALEGA (A21EG) do noso IES, dentro das súas actividades, visitaron o Aqua Museu de Vila Nova de Cerveira (Portugal).

A visita é unha das programadas durante o curso co obxectivo de coñecer o río Miño e o seu entorno (centro da actividade xeral do curso, e que terán continuidade coa visita a Ourense e a Melgaço). Como tal constou de dúas partes: a visita propia ao aqua museu e logo unha práctica  na recollida e estudo dos pequenos animais que viven no sedimento. Eso si, previamente disfrutamos da comida nesa zona privilexiada e do parque que teñen.

¡Menuda envexa !

Prepárate para facer unha viaxe. Unha viaxe por todo o planeta. Centos de fotografías de  lugares, sitios, fenómenos ... e todos eles cun calificativo "marabilloso".

A segunda parte desta viaxe é o acompañamento: a música. Tranquila, sosegada,...

¡Que disfrutedes! ¡Grazas a Jybana231!

Propoñémosvos este sitio (do Portal Educativo da Consellería de Educación e Ordenación Universitaria) onde atoparedes información sobre a celebración do Entroido en Galicia, entendido como un feito social e cultural. Atoparedes información sobre máscaras típicas, días de  celebración e gastronomía típica destas datas. Tamén podemos saber cousas sobre esta celebración no resto de España  e noutros lugares do mundo.

Para acceder pincha en ENTROIDO

Fred. L. Whipple, pioneiro na investigación de cometas, dicía sobre eles: "Os cometas, esas lixosas bolas de neve que se vaporizan ao pasar preto do Sol ..."

Lulin é o alias do cometa C/2007 N3. Foi descuberto no ano 2007 por Quanzhi Ye e Chi Sheng Lin . Estudios realizados, aínda que se coñece pouco del, indican que dá unha volta ao redor do Sol cada 28,5 milóns de anos. A súa procedencia... das zonas remotas: o cinturon de Kuiper e a Nube de OOrt.

Este cometa estase aproximando á Terra, e o próximo martes 24 (véndose próximo a Saturno), atoparase no punto máis preto a nós (a 60 millóns de km), polo que será fácil observalo con binoculares. Actualmente a súa magnitude é 7 e de mellorar pasaría a 5 (canto máis baixa magnitude máis brillo) debe ser visible a simple vista, sempre lonxe de zonas con contaminación lumínica e un par de horas antes do amencer. Para a súa localización atópase entre as pinzas de Escorpio e Libra , preto da estrela Beta Scorpi.

Unha das imaxes do desfile do venres pasado (www.galiciasuroeste.info)

O pasado venres, 29 de febreiro, os esolares volveron saír ás rúas de A Guarda. Digo que volveron, pois había máis dunha década que esto non acontecía. Moitas serían as razóns para este parón de anos, pero eu penso que indepenedentemente dos motivos hai un triúnfo da tradición e da ilusión que poñen rapaces e profes e en resumo toda a comunidade escolar.

Seguramente, nestes días xa oficais do entroido, veremos disfraces sofisticados, con moito fasto e inversión de moitos caros. Se o entroido dos esolares se caracteriza por algo é pola esencia do mesmo entroido: a emprega de materiais sinxelos (antiguamente eran ropuas vellas e trapos). Nestes traballos predomina a imaxinación, o colorido, ... Pero canto traballo hai detrás, moitas veces pouco valorado! Como se os profesionais  que atenden aos nosos fillos fíxeran esto por perder o tempo! Reivindico este traballo, esa dedicación dos profesores. Tamén reivindico a ilusión  dos rapaces, e tamén o paio, non tan maioritario, dos pais, que queren recuperar tradicións que eles tiveron.

En resumo, os meus parabén  a todos os centros polo esforzo. Boto de menos non estar ahí! Eran outros tempos... Só un deseso para o ano próximo: continuar con este entroido de nenos e se é posible que participe tamén o IES.

Se queredes ver as fotografías do desfile (que publica www.galiciasuroeste.info) só tedes que pinchar en ENTROIDO ESCOLAR 2009

OCO (Observatorio Orbital do Carbono). Ese é o nome do novo satélite medioambiental que acaba de ser lanzado pola NASA, concretamenta a pasada noite. Para poñelo en órbita empregouse un foguete taurus.

OCO transporta a bordo novos espectrómetros calibrados para medir a cantidade de luz solar reflectida que é absorbida polo dióxido de carbono e o osíxeno molecular, permitindo así realizar medidas globais precisas do dióxido de carbono na atmosfera da Terra.

OCO describirá unha órbita case-polar a 438 millas de altitude cun período de revisita de 16 días durante 2 anos.

Coa información obtida poderanse facer pronósticos máis fiables dos cambios futuros na abundancia e a distribución do CO₂ na atmosfera e o efecto que estes cambios poidan ter no clima.

ÚLTIMA HORA : O foguete Taurus XL que debía poñer en órbita o OCO sufríu un problema, polo que o satélite caeu no océano Pacífico, preto da Antártida, estragando a misión, cun custe de 210 millóns de €.

Reactivación do volcán Chaitén (Foto:Infobae.com)

O pasado 12/05/08 daba conta da entrada en erupción do volcán chileno Chaitén, situado nos Andes meridionais, despois de estar "durmido" uns 10.000 anos. Ao parecer nos últimos días a actividade volcánica volveu aumentar dunha forma moi violenta, o que levou ás autoridades chilenas a evacuar aos habitantes da localidade do mesmo nome que o volcán. O curiso é que numerosas persoas néganse a marchar.

A situación é moi perigosa pois o macizo ten  unha fractura superior a un quilómetro no domo, sector sur, con evidentes sinais de colapso e de producirse chuvias intensas sobre o volcán, xerarían aluvións de gran magnitude, provocando  daños na  cidade de Chaitén.

Se queres recordar os datos do volcán, xa publicados pincha en VOLCÁN CHAITÉN  

Estocolmo (Foto: www.portalviajar.com)

De xeografía, recordamos que Estocolmo é a capital e a cidade máis grande de Suecia (país escandinavo da Europa do Norte). Está ubicada nun importante arquipélago, constituído por numerosas illas. Ten unha poboación (olmenses) aproximada de 795.000 habitantes. Foi fundada no ano 1250.

Estocolmo é noticia hoxe por ser galardoada pola Comisión Europea como Capital Verde Europea 2010.

Este novo galardón da Comisión Europea ten como obxectivo animar ás cidades a mellorar a súa calidade de vida urbana, tendo en conta sistemáticamente o medio ambiente nos seus plans de urbanismo.

Lamentablemente as cidades española que competían (entre ellas Valencia, Vitoria, Zaragoza, Pamplona, Murcia e Sabadell) quedaron lonxe. Para o ano 2011 foi elexida Hamburgo (cidade alemana).

Esperemos que teñamos máis sorte para o ano 2012, aínda que temos moito que mellorar para competir coas cidades do norte europeo. Ao mellor esto serve para facelo.

Paris María Pismis, naceu o 30 de xaneiro de 1911 en Estambul (Turquía,) aínda que de orixe armenia. Foi a primeira universitaria de Turquía, e obtivo o douroramento en Matemáticas (1937). En 1941 cásase con Felix Recillas, matemático mexicano, que coñecera no Observatorio de Harvard. Trasladouse a ese país e convertéronse no primeiro matrimonio, na historia de México, en dedicarse á Astronomía profesional.

Traballou no Observatorio Astronómico Nacional de Tacubaya, dependente da Universidade Nacional de México (UNAM) e comenzou a impartir as primeiras clases oficiais de Astronomía que houbo nese país.

Descubríu 20 cúmulos abertos e 3 cúmulos globulares (os cúmulos son grupos de estrelas . As formadas por estrelas vellas forman os cúmulos globulares  e as formadas por estrelas novas son os cúmulos abertos). Publicou, nos máis de 50 anos de traxectoria profesional, máis de 100 artigos científicos.

Morreu o 1 de agosto de 1999.

 Peixe psicodélico (Foto: AP)

A BBC informa de que a revista científica estadounidense "Copeia" deu a coñecer ao   peixe psicodélico (Histiophryne psychedelica) como unha nova especie.

Ao parecer a historia é ben curiosa. Para empezar un grupo de buceadores atoparaon un exemplar fronte a illa de Ambón, na zona oriental de indonesia. As fotografías obtidas foron enviadas á Universidade de Washington onde foi clasificado. Pero o máis curioso é que un exemplar idéntico levaba 20 anos nunha institución científica, sen darse conta ninguen da súa singularidade.

O peixe psicodélico pertence á familia fos "frogfish" ou peixe-ra, pero ten unha forma única.Ten cara plana e meixelas carnosas. O seu corpo está completamente rodeado de raias concéntricas (brancas e azuis) cun fondo cor dourado e ollos azuis.