vgomez

Imaxe da nube detectada, de 180 m de ancho e uns 190 m dende a base (Foto: EFE)

A sonda "Mars Reconnissance Orbiter" captou as imaxes dunha avalancha de po e xeo no polo norte de Marte, según informou o Laboratorio de Propulsión a Chorro" (JPL) da NASA.

O descubrimento das citadas avalanchas foron unha sorpresa e foron captadas fortuítamente o pasado 19 de febreiro.

Recreación artística do primeiro primate norteamericano. (Foto: PNAS | REUTERS)

Un científico estadounidense, o paleontólogo Chistopher Beard, do Museo Carnegie da Historia natural de Pittsburgh, desenterrou os restos do primate coñecido máis antigo que vivíu en nortamérica. Ao facelo, puído determinar o camiño que seguiron estes pequenos representantes do grupo dos mamíferos que inclúe aos lemures, monos, simios e persoas para acceder ata o novo continenete, concretamente a través dunha ponte de terra, hoxe desaparecida, que conectaba Siberia e Alaska: o estreito de Bering.

Coñecido como "Teihardina magnoliana", vivíu hai 55 millóns de anos, pesaba ao redor de 28 gramos, medía 7,5 centímetros e comía insectos e froitos.

O minúsculo emigrante vivía nas árbores, onde o seu maior inimigo serían os lagartos.

Un estudio publicado pola revista "PLoS One" que o bacallao antártico adopta unha estratexia de supervivencia similar á da hibernación, algo raro para un peixe.

Según os investigadores do Instituto Antártico Británico e da Universidade de Birminghan, o peixe "Notothenia Coriiceps", unha especie de bacallao, virtualmente "vólvese xeo" para sobrevivir durante o longo inverno do extremo austral do planeta.

O estudio sinala que os peixes activan un "interruptor" estratéxico que miniminiza o custo enerxético durante o inverno, despois dun verán de intensa alimentación e crecemento.

O 20% do xeo do Antártico xa desapareceu, debido ao quentamento global. O profesor de Xeoloxía Jerónimo López, membro do Comite Organizador do Ano Polar Internacional, recoñece que as perspectivas para o Áritico non son moi boas e que pode que, nunhas décadas, o xeo desapareza. "Non se pode saber con certeza, pero é o que predicen os modelos se seguimos como ata agora".

As consecuencias serán funestas. López recorda que ao redor do Ártico hai oito países desexando "meter o dente"aos seus recursos naturais. "Alí hai moitos recursos de pesca, petróleo, gas e, tamén, abriríanse novas rutas comerciais de navegación entre o Pacífico e o Atlántico que poden ser moi perigosas".

A mensaxe final que transmite o científico é clara: "O que importa é que a xente entenda que, se non queremos que estes mundos desaparezan, non hai que derrochar como facemos agora".

Recentemente foi publicada a normativa de avaliación para a obtención do título profesional, con novas como as probas de setembro, etc. Sei que hai noitos alumnos-as dos IES que estades a cursar estudios no conservatorio de grado medio (que ao rematalo obteredes o título de profesional) en Tui, Vigo en Ponteareas. Penso que é de interés que coñezades esta normativa.

Se así o queres pincha en:TÍTULO PROFESIONAL MÚSICA

Os que estedes interesados en adquirir un ordenador, a Xunta de Galicia acaba de publicar axudas para este concepto.

Toda a normativa, documentación e modelo de solicitúde tédelo no enlace PORTAL EDUCATIVO ou ben pinchando en axudas ordenadores

Ondas no Cantábrico (Santander) 

Según os expertos as ondas acadadas o pasado día 11 non se volverán a repetir en 30 anos. A verdade é que se batiron records no tamaño das mesmas, ata 20 metros.

¡A natureza é imprevisible e indomable !

Aquí van unha serie de consellos para aforrar auga:

* Repara as billas que goteen. Aforrarás unha media de 170 litros de auga ao mes.

* Cerra billa mentes te enxaboas as mans, te lavas os dentes ou te afeites. Por unha billa aberta corren ata 12 litros de auga por minuto.

* Dúchate en lugar de bañarte, e cerra a billa mentres te enxaboas. Aforrarás unha media de 150 litros cada vez.

* Non utilices o váter como caldeiro do lixo. Coloca unha papeleira no baño.

* Utiliza cisternas de dobre descarga para gastar só a auga que necesites. Se a cisterna do teu cuarto de baño non é de dobre descarga, podes meter dentro unha ou varias botellas de plástico cheas: podes reducir o gasto de auga á metade.

* Compra electrodomésticos ecolóxicos e utilízaos sempre a carga completa (os programas de media carga gastan máis da metade). Unha lavadora pode gastar ata 90 litros cada vez que a utilizas (según as marcas e modelos). Un lavalouzas, ao redor de 30.

* Non deixes a billa aberta para que se arrefríe a auga, xa sabes que por unha billa aberta corren ata 12 litros de auga por minuto. Acostuma a poñer unha xerra ou botella na neveira.

* Emprega cuncas, barreños para lavar a froita, a verdura, os pratos, os cacharros... Se tes un fregadeiro de dúas cubetas, usa unha para enxaboar e a outra para aclarar.

* Rega as plantas ao anoitecer e ao amencer e eveitarás pérdidas de auga por evaporación. Aproveita para regar a auga sobrante das xerras de comida, de lavar as verduras... Recolle a auga da ducha fría antes de que salga a quente e poderás aproveitala para o rego.

* Emprega sistemas automáticos de rego por aspersión ou por goteo. Evita utilizar a mangueira. O uso de plantas autóctonas en xardinaría axuda ao aforro e mantemento dos nosos xardíns.

Este ano adícase especialmente ao saneamento das augas (que comprende o manexo sanitario da auga potable, as augas residuais e excretas, os resíduos sólidos e o comportamento hixiénico que reduce os riscos para a saúde e prevén a contaminación.

Aínda que o Día Internacional da Auga é o 22 de marzo, este ano celebrouse o 20 de marzo.

Brisa, a primeira femia nacida no Programa de Conservación do Lince Ibérico no ano 2005, paríu prematuramente a dous cachorros. O primeiro naceu morto, e a nai acabou ixeríndoo. O segundo, foi abandonado pola nai e fixéronse cargo del o Centro de Cría en Cautividade de Acebuche (Huelva).

Saliega, outra femia de Doñana, paríu tres cachorros que presentan bo estado de saúde. Esta femia xa paríu catro veces dende 2004.

Na sima de Atapuerca (situada a 15 km de Burgos) atopouse a mandíbula do europeo máis máis vello. Os restos, de hai 1,2 millóns de anos, fan retroceder en casi 500.000 anos a chegada dos antepasados do home moderno.

A revista Nature publica no seu último número as principais conclusións do novo descubrimento do equipo investigador de Atapuerca, dirixido por Juan Luis Arsuaga, José María Bermúdez e Eudald Carbonell, e que se producíu o pasado 30 de xuño de 2007.

Se queres coñecer o xacemento e os seus decubrimentos. Pincha en Atapuerca: Unha viaxe á prehistoria

Viñeta de DAVILA (Faro de Vigo 27-03-2008)

2º PREMIO: "Cabalo"  de Ana Belén Sollerio da Cunha, alumna de Ciclo Superior de Administración e finanzas ( Diploma e MP3)

3º PREMIO COMPARTIDO: "A beleza das pequenas cousas" de Laura Lago Fernández, profesora de L. Castelá (Diploma e Pen Drive)

3º PREMIO COMPARTIDO: "Capricho natural" de Ramón Jesús Carballo de Santiago, alumno de 1º ESO A  (Diploma en Pen Drive)

Organizada por ANABAM (Organización Naturalista do Baixo Miño), o próximo sábado, día 29, ás 16:45 horas da tarde, realizarase unha nova plantación de érbedos (Arbutus unedo L.), co fin de preservar unha das volvoretas máis fermosas de Galicia.

Se estás interesado en participar pincha en PLANTACIÓN ÉRBEDOS

O reloxo adiantarase unha hora durante a madrugada do sábado ao domingo.

A medida aplícase en cumprimento da Directiva Comunitaria que rixe o cambio de hora e que afecta a todos os paises membros da Unión Europea.

O cambio de hora empezouse a xeneralizarse a partir de 1974, a consecuencia da primeira crisis do petróleo, cando algúns países decidiron adiantar os reloxos para poder aproveitar a luz do Sol e gastar menos electricidade. Aplícase como directiva dende 1981 e foi renovada sucesivamente cada catro anos.

Segundo as estimacións do Instituto para a Diversificación e Aforro da Enerxía (IDAE), dependente do Ministerio de Industria, Turismo e Comercio, o potencial de aforro en iluminación no soso país polo cambio de hora pode chegar a representar un 5% do consumo eléctrico en iluminación, equivalente a uns 300 millóns de euros.

Cidadáns de todo o mundo están chamados hoxe a apagar as luces durante unha hora para subraiar o perigo e a ameaza que supón o cambio climático. A hora do planeta é como se chama esta iniciativa, convocada pola organización ecoloxista WWF. O apagón é tamén un símbolo de compromiso individual para diminuír o uso de enerxía, por eso a organización invita non só a apagar as luces e aparellos eléctricos entre as 20:00 e as 21:00 da noite, senón tamén a cambiar as bombillas tradicionais por unhas de baixo consumo e aprender o que se pode facer na loita contra o cambio climático..

¿Úneste a iniciativa?

Urogallo común(Tetrao urogallus)

Da subespecie Tetrao urogallus cantabricus aínda quedan exemplares na zonas de Lugo (como os Ancares). Coñecido como piata do monte.

Clasificación científica

Moitos teredes oído falar deste lugar: Stonehenge. Atópase preto de Amesbury en Wiltshire, Gran Bretaña, a uns 13 quilómetros de Salisbury. Está composto dun gran círculo de grandes megalitos (en realidade 4 círculos concéntricos de pedras) cuxa construcción calculase entre 2500 e 2000 a.C.

A noticia radica en que un equipo de arqueólogos viaxará ás profundidades de Stonehenge, ao círculo de pedras, para averiguar cando e por que foi construído e determinar se foi un santuario, similar ao de Fátima ou ao de Loudes da época, un lugar ao que se peregrinaba en busca de curación.

Xa non é a primeira vez, en 1964 xa se fixera unha tratando de resolver o misterio deste milenario monumento que xa cautivara aos investigadores da Idade Media.

Se tes interés en profundizar neste tema pincha en: Stonehenge