vgomez

 O programa "Úne á Volta", parte da tradicional Festa da Bicicleta promovida pola Deputación de Pontevedra, busca promover o deporte da bicicleta e extender o espíritu da Volta a España por tódolos concellos que participen nesta acción, ofrecendo unha actividade lúdica e deportiva relacionada co ciclismo.

No Concello da Guarda terá lugar nañá, sábado día 2 de xuño, as 17:30 horas, tendo como punto de partida a Alameda e como percorrido a tradicional volta ao Monte Santa Trega.

A idade mínima para participar é de 8 anos e será obrigatorio o uso de casco.

As inscricións e recollida de dorsais terán lugar no punto de saída na Alameda, a partir das 16:30 horas.

Anímate!

Composición fotográfica do choque da Vía Láctea e Andrómeda / NASA

A Vía Láctea, o conxunto de miles de millóns de estrellas ao que pertence o Sol, acabará chocando frontalmente coa súa veciña Andrómeda, que está agora a unha distancia duns 2,5 millóns de anos luz. Como resultado da colisión ámbalas dúas acabaran fusionadas en só unha. A esta conclusión chegaron uns científicos que lograron medir con grande precisión a velocidade e desprazamento de Andrómeda (tamén chamada M31) co telescopio espacial Hubble e concretaron os seus cálculos mediante simulacións por ordenador. O Sol non resultará destruído no choque, aínda que acabará nunha posición diferente da actual, seguramente máis afastado do centro galáctico. As estrelas están tan lonxe unhas doutras que non chocarán, explican os investigadores.

As dúas galaxias están aproximándose debido á mutua atracción gravitatoria que exerce a materia (incluída a materia escura que rodea a unha e á outra). Isto sábese dende hai tempo, pero calcular con detalle como e cando se producirá a colisión esixíu medir con grande precisión o desprazamento de Andrómeda, que é o que fixeron agora no Instituto del Telescopio Espacial, en Baltimore, EE UU. Os resultados expóñense na revista Astrophysical Journal. Ata agora non se sabía se a colisión galáctica sería frontal ou se ámbolos conxuntos estelares só se rozarían.

FONTE: Xornal El País/Ciencia.

Gregory Winter e Richard A. Lerner / FUNDACIÓN PRÍNCIPE DE ASTURIAS

A candidatura conxunta do biólogo británico Gregory Winter e do patólogo estadounidense Richard A. Lerner gañaron o premio Príncipe de Asturias de Investigación Científica e Técnica polas "contribucións decisivas ao campo da inmunoloxía e, máis concretamente, pola obtención de anticorpos de grande valor terapéutico", segundo o anuncio do xurado encargado da concesión do galardón en Oviedo.

Sir Gregory Winter (Reino Unido, 1951) foi, dende a súa labor no seo do Laboratorio de Bioloxía Molecular (LMB) do Medical Research Council, do que foi subdirector, un dos bioquímicos máis destacados no desenvolvemento de "técnicas innovadoras de creación de anticorpos terapéuticos monoclonais e un dos pioneiros no desenvolvemento de técnicas para a humanización destes anticorpos", un paso fundamental para que o sistema inmune humano non os identifique como axentes estraños. Está en posesión de numerosas patentes e, ademais de haber sido asesor de varias firmas científicas de inxeñería xenética, foi o fundador en 1989 do Cambridge Antibody Technology, unha das empresas biotecnolóxicas impulsadas polo LMB para a comercialización destes anticorpos, entre eles o adalimumab, destinado ao tratamento da artrite reumatoide e a enfermidade de Crohn.

Richard Alan Lerner (Chicago, 1938) "foi o artífice do avance máis importante dende o descubrimento dos anticorpos monoclonais hai un cuarto de século: a concepción, deseño e creación de bibliotecas combinatorias de anticorpos", actualmente as máis utilizadas de todas as bibliotecas do campo da bioquímica, "o que permitíu ampliar o rango de acción do sistema inmune". Lerner sentou as bases nun artígo publicado na revista Science en 1989.

O xurado elexíu a estes dous científicos entre 45 candidaturas procedentes de 19 países, impoñéndose aos outros dous finalistas, o científico xaponés Shinya Yamanaka e o físico italo-estadounidense Federico Capasso.

FONTE: Xonal El Pais/Ciencia

A semana pasada foi o Deportivo da Coruña e agora o Celta de Vigo. Ámbolos dous son equipos da 1ª División.

Parabéns a tódolos seareiros de ambolos dous equipos!

Libros de texto / Imaxe:alcazabapapeleria.com

A Consellería de Educación convoca axudas para a adquisición de libros de texto, materiais curriculares e material didáctico e complementario destinadas ao alumnado matriculado en educación primaria, en educación secundaria obrigatoria ou en educación especial en centros sostidos con fondos públicos da Comunidade Autónoma de Galicia, no curso escolar 2012/2013.

Estes son os requisitos:

1. Ser pai/nai/titor ou titora legal do alumnado matriculado en educación primaria, educación secundaria obrigatoria ou educación especial, nun centro sostido con fondos públicos da Comunidade Autónoma de Galicia durante o curso escolar 2012/2013, e non repetir curso neste ano académico. Non obstante, o alumnado que repita 1º ou 2º de educación primaria poderá solicitar a axuda, xa que neste ciclo emprégase material que non pode ser reutilizado.

2. Non estar incurso nas prohibicións para obter a condición de beneficiario, recollidas no artigo 10 da Lei 9/2007, do 13 de xuño, de subvencións de Galicia.

3. Para o alumnado de educación primaria e educación secundaria obrigatoria ter unha renda per cápita familiar igual ou inferior a 9.000 euros. Para a determinación da renda per cápita familiar terase en conta o disposto no artigo 6 da orde de convocatoria.

Para máis información preme AQUÍ.

FONTE:Consellería de Educación e O. Universitaria

O Día mundial do Medio Ambiente celébrase cada 5 de xuño desde 1972. Este día foi establecido pola Asemblea Xeral das Nacións Unidas, na Resolución 2994 (XXVII) do 15 de decembro de 1972, coa que se iniciou a Conferencia de Estocolmo co Medio Humano coma tema principal. Ese mesmo día, a Asemblea Xeral da ONU aprobou a creación do Programa das Nacións Unidas para o Medio Ambiente (PNUMA).

UN POUCO DE HISTORIA:

Poderíase dicir co Día Mundial do Medio Ambiente é un vehículo polo que a Organización de Nacións Unidas sensibiliza a opinión mundial en relación a temas ambientais, intensificando a atención e a acción política e co obxectivo principal de darlle un contexto humano, motivando ás persoas para que se transformen en axentes activos do desenvolvemento sostible e equitativo; promover o papel fundamental das comunidade no cambio de actitude cara a temas ambientais, e fomentar a cooperación, pois esta garantirá que tódalas nacións e persoas gocen dun futuro máis prospero e seguro.

O Día mundial do Medio Ambiente é un evento no que se realizan múltiples actividades: concentracións en rúas, concertos ecolóxicos, ensaios e competencias en escolas, plantacións de árbores, campañas de reciclaxe e de limpeza, entre outras. En moitos países esta celebración é unha oportunidade de asinar ou ratificar convenios internacionais e, algunhas veces, establecer estruturas gobernamentais permanentes relacionadas co manexo ambiental e a planificación económica.

Neste 2012 o lema é "Economía verde: Estás ti incluído?"

Pero que é a economía verde?  É un novo modelo económico que se está a desenvolver en contra do modelo actual de economía “negra” basado en carburantes fósiles como o carbón, o petróleo e o gas natural. O modelo de economía verde básase no coñecemento das disciplinas de economía ecolóxica e economía verde, que se ocupan da interdependencia das economías humanas e os ecosistemas naturais e o impacto adverso das actividades económicas no cambio climático e o quentamento global.

Hai un tema musical adicado a este día que podes escoitar premendo AQUÍ.

Participa neste día. O futuro do noso planeta está nas nosas mans!

Penso que non necesita ningún comentario a viñeta de Erlich (Bernardo Erlich, Tucumán, 1963. Deseñador e humorista gráfico) do xornal El País de hoxe.

Esto está cada vez peor!

Nun momento da saída, atendendo ás explicacións de Agustín

No día de hoxe, o alumnado do PI (Proxecto Interdisciplinar) de 1º ESo do noso Centro, realizaou unha saída  escolar: "Routeiro didáctico pola costa guardesa", contando como guía de luxo con Agustín Ferreira da Asociación Naturalista ANABAM.

Fixemos o percorrido dende a Praia do Muíño, onde nos deixou o autobús, ata o porto da Guarda (onde de novo o collemos para ir ao IES). Tivemos a oportunidade de disfrutar da paisaxe, coñecer algúns elementos do patrimonio natural como o Seixal, do patrimoinio guardés como as salinas ou as pesqueiras e ampliar coñecementos: distinguindo diferentes tipos de liques, algúns moluscos e incluos algunhas enfermidades coma o escorbuto, coa súa correspondente forma de combatilo de forma  natural como é o perexil de mar, que moitos probamos, entre outras moitas cousas...

O noso agradecemento a ANABAN e a Agustín!

A praia do Muíño segue a manter a Bandeira Azul neste 2012 / Imaxe:www.aguarda.es

O Xurado Internacional Bandeira Azul 2012, concedeu 3.774 BandeIras Azuis, 3.098 para praias e 646 para portos, na súa reunión adicada aos candidatos no hemisferio norte.

Neste Xurado participan, xunto coa Foundation for Environmental Education (FEE), como creadora e xestora do programa, as Axencias das Nacións Unidas para o Medio Ambiente (PNUMA-UNEP) e para o Turismo (OMT-WTO), xunto a outras entidades como a Asociación Internacional de Salvamento e Socorrismo (ILSE), a Axencia Europea para o Medio Ambiente (EEA), a Unión Europea para a Conservación das Costas (EUCC), a Unión para a Conservación da Natureza (IUCN), un experto en Educación Ambiental e o Consello Internacional de Asociacións da Industria Portuaria (ICOMIA). O resultado supón un record no número de praias con Bandeira Azul e no conxunto de praias e portos, con case un cento máis que en 2011.

España, con 638 Bandeiras Azuis, 540 de praias e 98 de portos deportivos, obtén o seu mellor resultado histórico e mantense á cabeza entre os 51 territorios dos 46 estados participantes no noso hemisferio. Séguenos Grecia (394), Francia (358), Turquía (355), Portugal (275), Dinamarca (253) e Italia (247). En portos, Alemaña (110) supéranos, sendo segundos con 98, e detrás Holanda (88), Francia (84), Italia (62), Dinamarca (51) e Suecia (38).

O aumento de 35 Bandeiras Azuis, respecto de 2011 (29 de praias e 6 de portos) é máis acusado en Murcia (+14), que recupera así ás súas cifras históricas de candidatas e galardoadas; Galicia (+13), Andalucía (+12), pese ao menos número de candidatas e Canarias (+7). A disminución no número de candidatas e galardoadas afecta especialmente a Baleares (-17), en especial, pola dificultade de cumplir a exigencia Bandeira Azul dun mínimo de 2 socorristas por praia, con independencia do seu tamaño ou de que o mínimo legal sexa só 1.

No tocante á Guarda, segue mantendo 2: A praia do Muíño e a da Area Grande.

Todo esto implica que no verán de 2012 nunha de cada seis praias españolas ondeará a Bandeira Azul e que, 1 de cada 6 Bandeiras Azuis no mundo, ondeará en España.

FONTE:www.adeac.es

Unha perspectiva de parte da exposición "Descubrindo a Lois" do CEIP Manuel R. Sinde

Algúns dos que seguides este blog (alumnos ou pais), fostes alumnos de LOIS no CEIP "Manuel Rodríguez Sinde", desta localidade. Este compañeiro e amigo persoal acaba de xubilarse. A comunidade educativa do seu centro, así coma compañeiros, amigos e exalumnos participamos onte nunha homenaxe consistente en dar a coñecer algo que moi poucos saben: o lado artístico de Lois.

Lois é un gran debuxante, con especial tenacidade na caricatura. Tamén no apartado da escultura, a pequeno tamaño, coa súa navalla ten cousas fermosísimas. Esta faceta descoñecida de Lois preséntase nunha exposición, nomeada DESCUBRINDO A LOIS que dende onte ata o día 22 estará aberta a todos, en horario de tarde, de 16:00 a 18:00 horas.

Non a perdades!

Ante o inminente rescate da banca española por Europa e ante a situación real que as axudas monetarias son para os que teñen os cartos, que logo pagamos todos, quedamos atónitos que para nós, os que sostemos á banca, ela nunca traslada eses cartos recibidos á cidadanía. Habería que axudar aos cidadáns que son quen os precisan.

Esta situación é denunciada na viñeta de hoxe de El Roto (Andrés Rábago García, humorista gráfico,  Madrid, 194) no xornal El País.

Seguen a tomarnos por parvos e o peor é que o conseguen!

Emilio Cuartero / Imaxe: Xornal ABC

Un barrendeiro da empresa FCC, Emilio Cuartero, de 48 anos, leva tres anos  parándose durante só uns minutos, na metade da súa ruta diaria pola zona de Valverde de Madrid, fronte á porta do colexio Las Tablas para despertar aos alumnos máis pequenos do centro ao berro de "¿Quién vive en una piña debajo del mar?". E eles fanlle os coros: "Bob Esponja, Bob Esponja".

Algo entrañable nos tempos que corren, que manifesta que aínda hai boa xente!

Á espera da publicación do calendario escolar do próximo curso 2012/2013, acábase de coñecer que o alumnado de infantil e primaria comezarán as clases o 12 de setembro, mentres que en secundaria e bacharelato farano o 14. Todos rematarán o 21 de xuño, fóra do alumnado de segundo de bacharelato, que o farán antes para levar a cabo as probas de acceso á universidade.

A lúa Io pasa por diante de Xúpiter /NASA

Un pequeno mundo de tan só 2 quilómetros de diámetro pode ser a lúa máis pequena coñecida de Xúpiter. Esta diminuta rocha, digna de ser o fogar do Principiño, foi descuberta recentemente xunto a outra compañeira na órbita do planeta xigante. O descubrimento publicase na revista Astronomical Journal.

En septembro de 2010, dúas lúas distantes e ata entón descoñecidas de Xúpiter foron detectadas por un equipo internacional de científicos durante o seguimento rutinario das outras lúas xa coñecidas. Estes obxectos foron observados de novo en varias ocasións, a fin de determinar que en realidade eran satélites de Xúpiter e non asteroides próximos. En xuño de 2011, por fin, otorgáronselle as denominacións de S/2010 J 1 e S/2010 J 2.

A determinación da órbita destes satélites foi afinada o suficiente como para que a súa posición se pódase predecir de forma fiable durante varios anos no futuro.

Os investigadores puderon estimar o tamaño das lúas basándose no seu brillo. Calculan que S/2010 J1 ten uns 3 quilómetros de diámetro, mentres que S/2010 J2 só 2. S/2010 J 2 é o máis débil (e polo tanto máis pequeno probablemente) satélite xoviano descuberto ata a data. J1 xira a uns 20 millóns de km de Xúpiter, mentres que J2 faino a uns 23 millóns.

Con estas novas incorporacións, Xúpiter xa ten 67 satélites coñecidos.

FONTE:  Xornal ABC/Ciencia

Unha das investigadoras, tomando mostras da auga con plantas no Ártico / Imaxe:NASA

Un bosque no medio dun deserto xeado. Así o describen, nun comunicado, os científicos que o descubriron, nunha expedición da NASA, no que indican que o Océano Ártico estase tinguindo de verde pola proliferación de plantas mariñas microscópicas, que son esenciais para a vida noutros mares, pero que non sobreviviran ata agora nun ecosistema tan frío.

O quentamento global está, segundo o traballo que publica "Science", detrás dun fenómeno que ata agora non se detectara en toda a súa amplitude.

A expedición ICESCAPE (Impactos do Clima nos Ecosistemas e a Química do Ártico) explorou as augas dos mares de Beaufort e Chukchi, en Alaska, a bordo dun rompexeos estadounidense. "Observamos unha masiva expansión do fitoplancton entre 800 centímetros e 1,3 metros na capa xeada no primeiro ano no mar Chukchi", aseguran os autores.

                                           Comparativa do xeo en 1979 e 2011, recollida pola NASA

Os cambios no Ártico xa foran detectados por imaxes de satélites da NASA. A expedición tiña como obxectivo confirmar os datos, nun lugar de difícil acceso dende terra.

Ata agora pensábase que estas plantas que tinguen de verde a agua e son a base da cadea alimentaria mariña, só medran despois de que o xeo do mar se retirase, o que ocorre no verán. O problema, segundo o biólogo Sam Laney, do Woods Hole Oceanographic Institution, está en que, igual que unha chuvascada fai florecer o deserto, a acumulación de auga de desxeo en curtos períodos de tempo no Ártico teñen importantes efectos sobre o ecosistema.

O fitoplancton, ademais, tivo un crecemento extremadamente activo, chegando a dobrar súa cantidade nun só día. Como o fitoplancton, á súa vez, consome grandes cantidades de dióxido de carbono, os científicos terán que evaluar, máis adiante, canto CO₂ está entrando no Océano Ártico se resulta que estas plantas chegan a ser comúns baixo o xeo. Neste momento non se sabe se estas floracións acaban de empezar a producirse ou se é que non foron observadas antes, e se de seguir adelgazando o xeo, ao final se convertirá nun bosque sobre o mar.

FONTE:Xornal El Mundo/Ciencia

Viñeta de Ramón, no xornal El País (14/06/2012)

A Organización Mundial da Saúde (OMS) oficializou por fin algo que os estudos científicos levan algúns anos demostrando: que o fumo que xeran os motores diésel causa cancro de pulmón. A Axencia Internacional para a Investigación do Cancro (IARC), o grupo da OMS encargado de determinar que sustancias son canceríxenas, subíu de categoría ao diésel. En 1988 considerouno “posible carcinóxeno”. Agora, case un cuarto de século despois, recopilou as pruobas científicas necesarias para borrar a dúbida: o produto dos motores de gasóleo é carcinóxeno para os humanos. A declaración da OMS, coñecida o pasado martes, pon agora a pelota da protección da saúde dos ciudadáns no tellado das Administracións. Que van facer para evitar a exposición ao diésel?

Témolo crudo. En primeiro lugar pola dependencia, a maior parte dos vehículos (coches e camións) empregan este combustible, aínda que as novas xeracións de motores non soltan tantas partículas. En segundo lugar, coa que está caendo, non penso que se metan con este tema e nós como consumidores non estamos para cambiar de xeito inmediato de coche (gasolina, híbrido, electrico ou diesel de nova xeración). Finalmente, supoño que para chegar a esa situación fatal teriamos que estar expostos moito tempo e en capitais ou lugares de grande concentración.

De calquera xeito merece unha reflexión por parte de todos. Xa non vale a frase dun compañeiro que sempre dí: Dalgunha cousa hai que morrer!

Viñeta do xornal El País (16/06/2012) de Erlich (Bernardo Erlich)

Dende hai algún tempo, cada fin se semana hai unha sorpresa económica negativa: primeiro axustes e despois recortes de goberno, recentemente rescate da U.E. e finalmente empezan as amputacións empregando o serrón do Fondo Monetario Internacional.

Como cidadán sufrín os recores ("tixeirazos") ao que como traballador funcionario engadinlle a baixada salarial. Daquela, no goberno anterior, moita xente parece que se alegraba de que nos meterán man aos funcionario e a conxelación das pensións para os xubiladaos. Inocentes! Aquelo foi o principio; agora estes problemas aféctanlle a moita máis xente en todos os aspectos: sanidade, educación...

Desta vez, ante un posible "corralito" dos nosos aforros, que todo pode ser, volven a carga cun "serronazo" e de novo outra baixada de soldo dos funcionarios. Seguramente que desta moita xente volverase a alegrar desta medida, pero non sabén que despois veñen outras que afectan a todos (subida do IVE, moderacións salariais...) que nos devolven á realidade.

Esto é unha espiral, se non hai soldos non hai gasto e se non hai gasto non viven as empresas e comercios e como consecuencia peches e paro. Ou Europa e España cambia de forma de actuar, non só propoñendo restricións e evitando o afogamento, ou do contario, despois de ser rescatados a nivel de país, veremos situacións dramáticas para TODOS, que podemos ver en Grecia, que hoxe decide o seu futuro como país e tamén o do euro e Europa.

Nunca se debe alegrar un cos males de ninguén! Que Deus nos pille confesados!

Especies Invasoras / Imaxe: Xornal El Mundo

As especies invasoras (animais, plantas ou outros organismos transportados e introducidos polo ser humano en lugares fóra da súa área de distribución natural e que conseguiron establecerse e dispersarse na nova rexión, onde resultan daniños) son unha grave ameaza para o medio ambiente e a economía en España, pero non se fai o suficiente fronte a elas. Esta podería ser unha das conclusións do recente manifesto firmado por SEO/BirdLife e máis dun cento de científicos. O Ministerio de Medio Ambiente (MAGRAMA) recolle no seu Listado e Catálogo de Especies Exóticas Invasoras unha ampla selección das máis perigrosas, como as dez que se explican neste artígo: alga asasina, ameixa asiática, cangrexo americano, fento de auga azolla, herba das Pampas, mexillón cebra, mosquito tigre, picudo vermello das palmeiras, tartaruga de Florida e visón americano.

1. Alga asasina (Caulerpa taxifolia)

 Orixinaria do Caribe, extendeuse polo Mediterráneo despois de ser derramada por erro dende o acuario de Mónaco en 1984. A súa toxicidade e grande resistencia provocou o desprazamento de especies autóctonas e a destrucción de pradeiras submarinas, como a posidonia, esenciales no ecosistema.

2. Ameixa asiática (Corbicula fluminea)

  Pode medir ata cinco centímetros e despraza ás especies nativas, de maneira que altera a cadea trófica. Afecta ás centrais hidráulicas e outras industrias que utilizan auga, ao obstruír a entrada de tubaxes. En España está presente no baixo Miño  no Guadiana dende mediados de 2005.

3. Cangrexo americano (Procambarus clarkii)

 Colonizou os ríos españois e puxo en grave risco ao cangrexo autóctono. Afecta tamén a outras especies, como anfibios e peixes, e o seu hábito escavador provoca danos nos cultivos. Esta especie introducíuse en Europa nos años 30 do século XX para consumo humano. A España chegou en 1974 co mesmo fin a unha granxa das marismas do baixo Guadalquivir. Despois de escapar ou ser soltado, a súa expansión foi imparable.

4. Fento de auga, azolla (Azolla spp.)

Eestá disperso por diferentes puntos de España, sobre todo nas zonas de arrozais. Pode desprazar á vexetación acuática nativa e empobrecer a calidade da auga, e por tanto do resto da biodiversidade. Orixinaria de América do Sur, este fento de auga chegou ao noso país de forma accidental asociado ao cultivo de arroz e de forma intencionada como planta ornamental.

5. Herba da Pampa (Cortaderia spp.)

Chamada tamén "plumeiro" estendeuse por toda España, con importantes problemas de redución da diversidade biolóxica onde se implanta. As súas afiadas follas poden cortar a pel r ser molestas en áreas recreativas. Chegou a Europa na metade do século XIX provinte de Suramérica.

FONTE:Revista consumer.es

Especies Invasoras / Imaxe: Xornal El Mundo

Continuación do artigo de onte das 10 especies invasoras máis perigosas de España.

6. Mexillón cebra (Dreissena polymorpha)

Recibe este nome polas súas raias escuras e brancas que lembran ao coñecido mamífero. Natural dos mares Negro e Caspio, detectouse por primeira vez en 2001 en Cataluña, no baixo Ebro, estendéndose de forma rápida a outras comunidades. Este exemplar provoca a disminución da diversidade biolóxica nos ecosistemas que invade, como os bivalvos autóctonos, e dana todo tipo de construcións hidráulicas.

7. Mosquito tigre (Aedes albopictus)

Chamado así polas súas franxas brancas no tórax, é un insecto de maior tamaño que os autóctonos, orixinario do Sueste Asiático. En agosto de 2004 detectouse por primeira vez en Sant Cugat del Vallés estendéndose ao resto de Cataluña. Este mosquito causa dolorosas picaduras, inflamación e prurito persistentes e incluso reaccións aléxgicas graves. O tráfico de mercadorías propiciaría a súa chegada.

8. Picudo vermello das palmeiras (Rhynchophorus ferrugineus)

É o pesadelo das palmeiras de amplas zonas de Andalucía, Valencia, Murcia e Canarias. Os efectos diste insecto parásito non se ven nun primeiro momento, pero o seu ataque máis intenso é capaz de matar á planta. Orixinario do Sueste Asiático e Melanesia, onde é unha praga das palmeiras de coco, detectouse en España por primeria vez en 1993 en Motril e Almuñecar (Granada). A importación de palmeiras do Norte de África foi a súa forma de introducción.

9. Tartaruga de Florida (Trachemys scripta elegans)

Nos anos 80 esta tartaruga púxose de moda como mascota en todo mundo. A España chegou nos 90 e ata 1997, cando a Unión Europea prohibíu a súa importación, vendéronse máis dun millón de exemplares. A súa liberación incontrolada provocou a súa extensión por todo o territorio. Ademais de excluír a outros galápagos autóctonos, depreda invertebrados, peixes e anfibios, e consome vexetación acuática. Supón tamén un risco sanitario ao transmitir a salmonelose.

10. Visón americano (Mustela vison)

Os primeros visóns chegaron a España en 1958 a granxas de cría en Segovia para aproveitar a súa pel. As fugas continuas, tanto accidentais como intencionadas, propiciaron a súa expansión por grande parte do territorio. O seu maior tamaño e agresividade e o feito de transmitir un virus que afecta máis ao europeo provocaron que iste último se atope en perigo de extinción. Os programas de recuperación postos en marcha en varias comunidades autónomas parecen empezar a funcionar.

FONTE: Revista consumer.es

O Cumio da Terra Rio+20 (chamada oficialmente Conferencia das Nacións Unidas sobre Desenvolvemento Sustentable) celébrase dende hoxe, día 20, ata o 22 de xuño de 2012 en Río de Xaneiro (Brasil). Este cumio é un novo intento das Nacións Unidas no comenzo do milenio para avanzar sobre o compromiso dos Estados e a comunidade mundial nos grandes cambios deste séculoo XXI. Terá lugar vinte anos despois do primeiro cumio histórico de Río de Xaneiro en 1992 e dez anos despois do de Johannesburgo en 2002.

O chamamento das Nacións Unidas é ambicioso. Invita aos Estados, á sociedade civil e aos ciudadáns a "sentar as bases dun mundo de prosperidade, paz e sustentabilidade", incluíndo tres temas na orde do día: 1. O fortalecemento dos compromisos políticos en favor do desenvolvemento sustentable. 2. O balance dos avances e as dificultades vinculados á súa implementación. 3. As respostas aos novos desafíos emerxentes da sociedade. Dúas cuestións, íntimamente ligadas, constituen o eixo central do cumio: 1. Unha economía ecolóxica con vistas á sustentabilidade e a erradicación da pobreza. 2. A creación dun marco institucional para o desenvolvemento sustentable.

Se queres seguir este evento, pincha AQUÍ.

Por intentalo que non quede!

A partir de hoxe as ulas quedarán baleiras, o curso rematou. Teremos que volver só un momento de novo a elas o próximo xoves, día 28 ás 12:00, para recoller AS NOTAS, para algúns e para outros . E despois? VACACIÓNS!!!

Espero que todo resulte ben!

Imaxe do relevo sombreado do cráter Shackleton / NASA/GSFC/SVS

Os científicos sospeitaban dende hai tempo que podía estar alí, pero nunca foran capaces de demostralo. Agora, investigadores do Instituto Tecnolóxico de Massachusetts (MIT), a Universidad de Brown, o centro espacial Goddard da NASA  outras institucións cartografaron un cráter no polo sur da Lúa, o Shackleton, cun detalle sen precedentes e, en efecto, atoparon evidencias do que parecen ser xeo no seu fondo. Eso sí, en pequenas cantitades. O descubrimento, que aparece publicado en Nature, pode ser clave se algunha vez o ser humano decide  habitar a Lúa.

Os investigadores utilizaron un altímetro láser do Orbitador de Reconocimiento Lunar (LRO) da NASA para coñecer o albedo ou reflectividade natural do cráter Shackleton. Descubriron que o chan do cráter é máis brillante que o de outros buracos cercanos, unha observación coherente coa teoría da presenza de xeo. Esta auga xeada, segundo as súas conclusións, pode formar ata un 22% do material dentro dunha capa dunha micra de espesor no chan do cráter.

O cráter, nomeado na honra do explorador antártico Ernest Shackleton, ten máis de 19 km de ancho e máis de tres de profundidade, aproximadamente a dos océanos terrestres.

FONTE: Xornal ABC/Ciencia

O pasado venres, día 22 de xuño, o DOGA publicou a ORDE, da Consellería de Cultura, Educación e Ordenación Universitaria, do 13 de xuño de 2012 pola que se aproba o calendario escolar para o curso 2012/2013 nos centros docentes sostidos con fondos públicos.

Aspectos relevantes:

-O curso académico abranguerá desde o día 1 de setembro de 2012 ata o 31 de agosto de 2013.

-Nos primeiros días do mes de setembro e ata o día 6 como máximo realizaranse as probas correspondentes á convocatoria extraordinaria do curso 2011-2012 para o alumnado de educación secundaria obrigatoria e bacharelato.

-Na educación secundaria obrigatoria, no bacharelato e na formación profesional, a impartición efectiva de clases realizarase do día 17 de setembro de 2012 ao 21 de xuño de 2013, ambos os dous inclusive. Non obstante o anterior, para o segundo curso de bacharelato a impartición efectiva de clases rematará de acordo coas datas previstas para a proba de acceso á universidade.

-Períodos de vacacións:

1. Nadal: desde o día 22 de decembro de 2012 ata o día 7 de xaneiro de 2013, ambos os dous inclusive.

2. Semana Santa: desde o día 25 de marzo ata o 1 de abril de 2013, ambos os dous inclusive.

3. Entroido: días 11, 12 e 13 de febreiro de 2013

-Días non lectivos

1. Son días non lectivos os festivos así declarados pola Consellería de Traballo e Benestar da Xunta de Galicia, en exercicio das competencias que lle atribúe o artigo 45 do Real decreto 2001/1983, do 28 de xullo, na súa redacción dada polo Real decreto 1346/1989, do 3 de novembro (BOE do 7 de novembro), e as festas laborais de carácter local publicadas por resolución da dita consellería.

2. Nos centros en que unha ou as dúas festas laborais de carácter local, ás cales se refire o punto anterior, non coincidan con días de clase, os consellos escolares, os consellos sociais ou, no seu defecto, os responsables dos centros de menos de tres unidades poderán solicitar, segundo proceda, un ou dous días non lectivos, que deberán preverse na programación xeral do centro, argumentando razóns de tradición, costume ou conveniencia pedagóxica.

3. Ademais dos anteriores, sen prexuízo do establecido no artigo 8.2 e co fin de unificar a realización dos patróns de cada nivel educativo, establécese o Día do Ensino coa consideración de non lectivo para efectos académicos e que no curso 2012-2013 se celebrará o 2 de novembro de 2012.

-Sesións de avaliación.

 As sesións de avaliación final do alumnado da ESO, do primeiro curso de bacharelato, do primeiro curso dos programas de cualificación profesional inicial, do primeiro curso dos ciclos formativos de formación profesional no réxime ordinario e dos ciclos formativos no réxime de persoas adultas, deberán realizarse a partir do día 21 de xuño de 2013.

Para un completo coñecemento da ORDE que regula o curso escolar do próximo curso só te que premer AQUÍ.

Queda só un mes para a celebración dos XXX Xogos Olímpicos 2012, a celebrar en Londres (Inglaterra) do 27 de xullo ao 12 de agosto. Como dato cursioso, Londres será a primeira cidade en ser sede das Olimpiadas en tres ocasións, sendo anteriormente anfitriona en 1908 e en 1948 respectivamente.

Os Xogos Olímpicos (chamados así por celebrarse na cidade de Olimpia na antigüidade) foron festas relixiosas, culturais e deportivas celebradas na antiga Grecia (776 a.C. - 392 d.C.) en honra ós Deuses maiores (Zeus, Apolo, etc). Neles participaban os atletas, que debían ser cidadáns (soamente homes), os cales se adestraban durante anos nos ximnasios. Existían diversas disciplinas, tendo cada unha un adestramento especial, e que se practicaban co corpo totalmente espido. As primeiras disciplinas foron: Pankration (loita a morte), Loita (practicamente tal como a coñecemos actualmente), Boxeo (moito máis cruel có actual, sen apenas normas), Carreiras de Carros, Carreiras a pé, Péntatlon, (consistente en lanzamento de disco, lanzamento de xavelina, salto de lonxitude, loita e carreira a pé) e Música (considerada unha competición máis).

En Olimpia chegáronse a celebrar 293 Xogos Olímpicos. Segundo a tradición estes empezaron no ano -776, continuaron mesmo baixo dominación romana, e só pararon coa chegada do cristianismo ao poder en Roma. O emperador Teodosio I aboliunos no ano 393, e como excusa dixo que eran pagáns. Foron reestablecidos no seu aspecto deportivo en 1894 polo barón de Coubertin, e ata a actualidade seguen practicándose.

As sedes das Olimpiadas modernas foron:

	Atenas 1896		Melbourne 1956
	París 1900		Roma 1960
	Saint Louis 1904		Tokio 1964
	Londres 1908		México 1968
	Estocolmo 1912		Munich 1972
	Amberes 1920		Montreal 1976
	París 1924		Moscú 1980
	Amsterdam 1928		Los Angeles 1984
	Los Angeles 1932		Seul 1988
	Berlín 1936		Barcelona 1992
	Londres 1948		Atlanta 1996
	Helsinki 1952		Sydney 2000
	Atenas 2004		Pekín 2008

As Olimpíadas modernas non se realizaron nos anos 1916, 1940 e 1944 por problemas bélicos, por estar o mundo en plenas guerras mundiais.

No día anterior ao seu comenzo habilitarei un ENLACE para poder facer un seguemento dos eventos e medalleiros.

Chegou o día das NOTAS, e despois, para unha grande maioría VACACIÓNS! E o resto? Pois terán que convivir co descanso, que dalgún xeito tamén son vacacións, co estudo para superar esas materias que quedaron para setembro.

Denque aquí, quero animar a eses que deixaron algunha materia, dicíndolles que o curso remata en setembro e que, se poñedes gañas, aínda podedes conseguilo. Ánimo!

De calquera xeito, para todos e todas, FELICES VACACIÓNS!

Dinosaurio / Imaxe:Oscar Sanisidro / ICP

Dende hai máis de 40 anos, a temperatura corporal dos dinosaurios foi un tema de intenso debate entre os paleontólogos. O feito de que eses animais lograran acadar en pouco tempo de vida deceas de metros de lonxitude e toneladas de peso facía pensar que, se cadra, tiñan o sangue quente, xa que é preciso un metabolismo alto para un crecemento tan brutal. Porén, había un detalle nos ósos dos dinosaurios, uns aneis parecidos aos que existen nos troncos das árboles, que obligaba a medrar que eran tan fríos como os lagartos, pois esas marcas considerábanse propias só dese tipo de criaturas. Un novo estudo publicado na revista Nature e llevado a cabo por investigadores do Instituto Catalán de Paleontoloxía (ICP) tira por terra este argumento clave. Segundo este novo traballo, os dinosaurios eran réptiles de sangue quente.

As liñas de paro do crecemento (LAGs) atópanse nos ósos e, do mesmo xeito que os círculos dos troncos das árbores, indican como se desenvolve o organismo e cando deixa de medrar por falta de recursos para alimentarse. Ata agora, pensábase que estas líneas eran propias dos animais ectotermos, aqueles que non xeraban calor interno (como os réptiles ou os anfibios, cuxa temperatura corporal depende exclusivamente do ambiente no que se atopan), e que non existían nos endotermos, os de sangue quente. Suponíase que estas líñas de crecemento aparecían periódicamente coincidindo coa estación fría, cando o metabolismo dos animais incapaces de manter a calor corporal moderábase e detíñase o crecemento.

Pero os científicos do ICP descubriron estas marcas tamén nos mamíferos, algo que nunca antes fora observado. Para conseguilo, analizaron os ósos de máis dun cento de rumiantes actuais de cuarenta especies, como cervos, antílopes, vacas ou bisontes. En todos, tanto se viven no polo norte como nas selvas tropicais, en ecosistemas fríos ou cálidos como en húmidos ou secos, aparecían estas liñas. É decir, os mamíferos tamén deixan de medrar en tempos desfavorables cando o marca o seu reloxo interno.

Sen pretendelo, os investigadores chegaron á conclusión de que estas marcas nos ósos dos rumiantes desmentían o argumento principal sobre o sangue frío dos dinosaurios.

FONTE. Xornal ABC/Ciencia