Facebook Twitter Google +1     Admin

Se muestran los artículos pertenecientes a Diciembre de 2011.

O CEO DO MES: DECEMBRO 2011

Publicado: 01/12/2011 12:03 por vgomez en O CEO DO MES
20111130194423-6f92bb95-6357-4714-8199-c304a8540c0b.jpg

Inverno e neve/ Imaxe:tour.hnce.com.cn

2 de decembro Cuarto Crecente.

10 de decembro: Lúa Chea. Eclipse total de Lúa. Será visible dende Asia e Australia. Os observadores de toda Europa e África perderémonos as primeras fases da eclipse debido a que ocurren antes da saída da lúa. Tamén os observadores de América do Norte non poderán observar as últimas fases da eclipse. Ningunha das fases da eclipse poden ser vistas desde América do Sur ou Antártida.

18 de decembro: Cuarto Minguante.

22 de decembro: Comenzo do inverno, ás 6:30 hora oficial peninsular.

24 de decembro: Lúa Nova.

Chuvia de meteoros: Phoenicidas Decembro, actividade dende o 28 de novembro ao 9, con máximo o 6 de decembro. Monocerótidas, actividade dende o 27 de novembro ao 17 de decembro, con máximo o 9 de decembro. Sigma-Hydridas, actividade dende o 3 ao 15, con máximo o 12 de decembro. Gemínidas, actividade dende o 7 ao 17, con máximo o 14 de decembro. Leo Minoridas Decembro, actividade dende o 5 de decembro ata o 4 de febreiro, con máximo o 20 de decembro. Coma Benerícidas, actividade dende o 12 ao 23 de decembro, con máximo o 14 de decembro. Úrsidas, actividade dende o 17 ao 26, con máximo o 23 de decembro.

1 DE DECEMBRO: DÍA MUNDIAL CONTRA A SIDA

Publicado: 01/12/2011 20:09 por vgomez en DOCENCIA

O día Mundial da loita contra a SIDA, conmemórase o 1 de decembro de cada ano, adicado a dar a coñecer a epidemia da SIDA global causada pola extensión da infección do VIH. O día 1 de decembro foi elexido debido a que o primeiro caso de SIDA foi diagnosticado neste día en 1981.

O lazo vermello é o símbolo mundial para a solidaridade coas persoas VIH positivas e con aqueles que conviven coa SIDA e apoio mutuo.

Pero sabes que é a sida? A contestación aquí, neste artigo e no vídeo.

CRIATURAS RARAS

Publicado: 02/12/2011 09:41 por vgomez en CURIOSIDADES
20111130191455-one-eyed-cyclops-shark-pup-holding-face-41775-600x450-1.jpg

Como cada ano, National Geographic escolleu as criaturas máis raras de 2011. A maioría delas foron descubertas este ano e outras forman parte da lista porque atopáronse aspectos descoñecidos e moi significativos do animal que antes pasaron desapercibidos.

Unha delas é a da imaxe. Trátase dun tiburón cíclope extremadamente raro. O feto, duns 56 centímetros de longo, foi descuberto nas entrañas da súa nai, capturada nas aguas do Golfo de California. Ten un só ollo na parte dianteira da súa cabeza por unha condición conxénita chamada ciclopía, que se produce en varias especies animais.

Se queres ver o resto da lista pincha AQUÍ.

VIDA EN CONDICIÓNS EXTREMAS

Publicado: 03/12/2011 08:53 por vgomez en NOTICIAS DAS CIENCIAS

 

Nun sorprendente descubrimento, os científicos da axencia espacial estadounidense (NASA) atoparon unha pequeña criatura parecida a un camarón baixo a grosa capa de xeo da Antártida, a 200 metros de profundidade. A criatura encontrada chámase Lyssianasid Amphipod, ten uns 8 centímetros de tamaño. Tamén atoparon o que parecía ser o tentáculo dunha medusa, duns 30 centímetros.

Esto demostra que en condicións extremas pode haber vida!

20111205121300-20111205elpepuvin-1-2.gif

A viñeta de hoxe de Ramón no diario El País, faise eco da chamada "Cumbre do Clima" que estase a celebrar en Durban, e onde tanto nos estamos xogando sobre un problema enquistado como é o cambio climático.

Como a viñeta indica, todo o que sube baixa, traendo consecuencias.Veremos como remata esta cumbre!

KEPLER-22B

Publicado: 06/12/2011 12:18 por vgomez en NOTICIAS DAS CIENCIAS
20111206121752-1323100161-1.jpg

Recreación artística do planeta "Kepler 22b" / NASA

A misión Kepler da NASA confirmou o seu primeiro achádego dun exoplaneta na denominada zona de habitabilidade, a rexión nun sistema planetario onde pode existir auga líquida na superficie do planeta.

O novo planeta confirmado, Kepler-22b , está fóra do noso Sistema Solar e atópase a unha distancia de 600 anos-luz da Terra. Orbita ao redor dunha estrela parecida ao noso Sol. É o máis pequeno atopado orbitando na zona habitable dunha estrela similar á nosa.

Ten 2,4 veces o radio da Terra e os científicos aínda non saben se se trata dun obxecto rochoso, gasoso ou de composición líquida, aínda que a NASA considera que o seu achádego é un paso importante na búsqueda de planetas similares á Terra.

FONTE: Xornal El Mundo/Ciencia.


FORMACIÓNS DE SAL NO MAR MORTO

Publicado: 07/12/2011 08:21 por vgomez en CURIOSIDADES
20111206122551-1323107065-223396-1323108138.jpg

Imaxe aérea de formacións de sal no Mar Morto, situado entre Xordania e Israel. / BAZ RATNER (REUTERS).

O Mar Morto ten unha cantidade de sal nas súas augas dez veces maior que a dos océanos (de 30 a 35 gramos de sal por 100 ml de auga), o que impide calquera forma de vida.

FONTE: Xornal El País.

20111208084229-1323275250.jpg

Fósil do ollo do Anomalocaris / Revista Nature

Un equipo de investigadores, entre os que se atopa o español Diego García-Bellido, atopou nun xacemento en Australia os fósiles dos tecidos do sistema de visión máis agudo coñecido.

Trátase dos ollos dun "Anomalocaris", que foi localizado en marzo pasado en Emuy Bay Shale, nunha illa ao sur do país. O primitivo crustáceo, segundo publican na revista Nature, tiña máis de 32.000 lentes por ollo, superando incluso aos artrópodos actuais. O ser humano só ten unha.

Recreación del cazador ’Anomalocaris’, de hace 500 millones de años. | ’Nature’

     Recreación do cazador "Anomalocaris", de hai 50 millóns de anos / Nature

No traballo, os investigadores explican que cada lente proporcionaba unha visión equivalente a un píxel, pero non era o ollo perfecto porque non podía ver en condicións de pouca luminosidade, así que tiña que cazar á luz do Sol.

O exemplar ao que pertenceu o ollo debía medir un metro e medio, o que o situaba no cumio dos depredadores facendo del un gran cazador.

Hai que recordar que foi neste período cando se producíu a gran explosión de biodiversidade na Terra, aparecendo a inmensa maioría dos grupos de organismos que hoxe existen. De feito, foi o momento no que se desenvolveu o esqueleto mineralizado, que supuxo a búsqueda de novas formas de ataque ás presas con caparazón.

FONTE: Xornal El Mundo/Ciencia


AS SOBREIRAS DO FARO

Publicado: 09/12/2011 12:06 por vgomez en ZONA VERDE

 

A parroquia de Viladesuso, no concello de Oia, ofrece un singular atractivo aos veciños e visitantes das comarcas do Val Miñor e Baixo Miño: As Sobreiras do Faro. Os comuneiros da zona teñen aberto ao público este espazo natural, cargado de riqueza ecolóxica e etnográfica, covertíndose dende 2008 no primeiro Espazo Privado de Interse Natural (EPIN) de Galicia. A súa ubicación e a súa poboación de "sobreiras", convírteno no bosque mediterráneo máis occidental de Europa.

No seguinte vídeo, de Infomiño, podedes coñecelo.

RESULTADOS DE DURBAN

Publicado: 12/12/2011 12:06 por vgomez en ZONA VERDE
20111212120513-20111212105316-20111212elpepuvin-1-1.gif

Viñeta de Ramón no xornal El País de hoxe.

Queda todo por negociar, todo por fracasar. Ese sería un bo resumo do que deu de si, seis días despois, e con máis de 36 horas de retraso sobre o previsto, os más de 190 países reunidos no cumio do clima celebrado en Sudáfrica.

As potencias -todas- comprométense a abrir un proceso de negociación para ter un pacto sobre o clima (non se sabe se será un tratado ou un "resultado acordado con forza legal") en 2015, que entre en vigor a partir de 2020.

A folla de ruta, como a chaman, foi considerada pola maioría de observadores -non só ecoloxistas- como débil, xa que deixa moitas opcións abertas e queda pendiente de tratar o máis duro: como se reparte o recorte das emisións. Os optimistas, os multitudinarios cumios do clima están plagadas deles, destacan que ao menos EE UU, China, India e demais grandes emisores sentaranse na mesma mesa, e que esa mesa estará dentro das Naciónss Unidas.

A frase que se repetirá de Durban é a dun acordo sen pechar. O cumio "decide lanzar un proceso para desenvolver un protocolo, outro instrumento legal ou un resultado acordado con forza legal baixo a convención aplicable a tódalas partes" que entre en vigor "a partir de 2020". Ese acordo debe estar listo en 2015.

En resumo, prorrogar Kioto, que cadacuca o próximo 2012, pero os países grandes, os que máis contaminan, seguen a dar largas.

FONTE: Xornal El País

A montaña submarina de O Cachucho e a súa contorna, frente á costa asturiana, é a primeira Área Marina Protexida (AMP) de España. Un recente Real Decreto obrigará ás institucións a coidar esta especie de Parque Nacional do medio marino e á súa grande biodiversidade. A pesar da boa noticia, diversas organizacións ecoloxistas lembran que España e o resto de países do mundo están lonxe de cumprir os seus compromisos de protección marina: só o 0,6% dos océanos mundiais son AMP.

O Cachucho é unha gran montaña submarina duns 4.500 metros de altura baixo as augas do mar Cantábrico. Ubicada a uns 65 quilómetros de distancia de Ribadesella (Asturias), destaca por unha grande diversidad de especies, algunhas delas endémicas, únicas do lugar, grazas á combinación do hábitat propio dos fondos abisais co da plataforma continental. Alí pódense encontrar varios tipos de corais, peixes, crustáceos e ata calamares xigantes.

O Cachucho é tamén  Lugar de Importancia Comunitaria (LIC) e Zona de Especial Conservación (ZEC) da Red Natura 2000.

O ELO PERDIDO

Publicado: 14/12/2011 08:30 por vgomez en NOTICIAS DAS CIENCIAS

 

Investigadores da Universidade de Chicago atoparon un peixe africano, o "Protopterus annectens" ou "Lungfish", que podería ser un elo clave na evolución, xa que se despraza grazas a unhas aletas pélvicas que facían as veces de patas e é pulmonado.

Este descubrimento, publicado en PNAS, leva a pensar que o P. Annectens é unha especie anterior ou que se desenvolveu xunto aos tetrápodos, que evolucionaron a partir dos peixes sarcopterygian no Devónico e foron os primeiros vertebrados en colonizar a terra.

Dende sempre ol "lungfish" foi popular entre os paleontólogos pola súa peculiar historia evolutiva, ao estar vinculado con animais que podían desenvolverse e saír da auga. Así a todo, e pese a que había rumores entre os científicos de que era un peixe que camiñaba, ninguén o comprobara nunha investigación exhaustiva.

FONTE: Xornal Faro de Vigo.

CATÁLOGO ESPAÑOL DE ESPECIES INVASORAS

Publicado: 15/12/2011 10:08 por vgomez en ZONA VERDE
20111214120329-acacia-dealbata.jpg
A Acacia dealbata ou acacia, abundante en Galicia, figura no listado de especies invasoras.

 

A ambrosía, o xacinto de auga, o mexillón cebra, o mosquito tigre, o picudo vermello, a perca, o lucio, o rutilo, o siluro, a cotorra arxentina, o galápago de Florida, o visón americano, o mapache ou o esquío gris son algunhas das especies incluídas no apéndice I do Catálogo Español de Especies Exóticas Invasoras que, no desenvolvemento da Lei de Patrimonio Natural e a Biodiversidade haberá que comenzar a combatir xa, trala súa publicación no Boletín Oficial do Estado (BOE).

O Catálogo, aprobado o 11 de novembro polo Consello de Ministros, establece e regula o listado e catálogo das especies invasoras que é unha das principais causas de perda da diversidade biolóxica e que xera "importantes" prexuízos sobre os aproveitamentos económicos que se desenvolven no medio rural.

Tamén, o Goberno considera que estas especies constitúen un risco para acadar o bo estado das masas de auga, polo que aparecen reflectidas nos Esquemas de Temas Importantes das Demarcacións.

Neste contexto, estudios científicos do Consello Superior de Investigacións Científicas (CSIC), apuntan que a maioría das aves exóticas de orixe silvestre importadas cando se escapan ou liberan ao medio natural, adáptanse e sobreviven ben no novo medio e convírtense en especies exóticas invasoras, existindo un alto risco para o medio ambiente e o home ao ser moitas delas portadoras de axentes patógenos. Por esta razón, a Unión Europea prohibíu en marzo de 2007 para todo o territorio europeo a importación de aves exóticas de orixe silvestre.

Deste xeito, o Catálogo Español de Especies Exóticas Invasoras (en diante o Catálogo) e do Listado de Especies Exóticas con Potencial Invasor establece as características, contidos, criterios e procedementos para incluír ou excluír ás mesmas, así como as medidas necesarias para previr a introducción das especies invasoras e para o seu control ou posible erradicación.


 

ARAÑAS

Publicado: 16/12/2011 07:55 por vgomez en VÍDEOS
20111214135415-putnami.jpg

 

Impresionante foto dunha Phidippus putnami ou araña saltarina, realizada por  Thomas Shahan , un fotógrafo coñecido pola súas fermosísimas macrofotografías de insectos e arañas. As súas obras repletas de cor, son realmente apaixoantes, sacando á luz a complexidade dos deseños naturais máis impactantes como é o caso dos ollos dos insectos e arácnidos.

Como se pode apreciar no vídeo, esta araña saltarina é tan pequena que podería pousarse sobre unha unlla.

Se queres ver máis fotofrafías e vídeos de Thomas Shahan pincha AQUÍ.

LOVEJOY: O COMETA "KAMIKAZE"

Publicado: 17/12/2011 13:04 por vgomez en NOTICIAS DAS CIENCIAS
20111216080722-lasco3-animation-l.gif

O observatorio espacial solar SOHO capturou o cometa Lovejoy (C/2011 W3) no seu campo de visión por primeria vez, o que indica que este corpo xeado atópase no seu último paso destructivo cara ao Sol, esperando que a colisión acontecese na noite do pasado día 15.

No seu máximo achegamento, pasará a só 140.000 quilómetros sobre a superficie solar. A esa distancia, non se espera que o cometa xeado sobreviva a grande calor do Sol. De feito, os cometas son aglomerados de xeo e rochas tan tenues que poderían desintegrarse en calquera momento.

O cometa Lovejoy forma parte do "grupo de Kreutz", e pénsase que é un fragmento dun cometa anterior que se rompeu hai sécuos.

Outros fragmentos de ese gran cometa convertíronse nalgúns dos máis brilantes da historia: o cometa Ikeya-Seki foi tan brilante no ano1965 que era visible incluso no ceo diúrno.

A nave espacial SOHO, unha misión combinada da ESA e a NASA, é un descubridor de cometas excepcional, xa que localizou un total de 2110 dende o seu lanzamento en 1995. De calquera xeito, o cometa C/2011 W3 foi descuberto dende a superficie terrestre polo astrónomo australiano Terry Lovejoy, polo que leva o seu nome.

FONTE: Xornal El Mundo/Ciencia.

 

 rata toupa lampiña africana (Heterocephalus glaber) é unha supervivinte nata. Cega e sen pelo, o seu aspecto pode resultar repulsivo, pero a natureza compensou as súas carencias estéticas cunha enorme capacidade de resistencia. Estas criaturas son famosas por sobrevivir en condicións extremas, en colonias baixo terra onde apenas hai osíxeno e as proporcións de dióxido de carbono son moi altas. Ademais, son inmunes ás queimaduras do ácido, ante as que non sinten dor. Esta capacidade de superhéroe inmune aos infernos resultara un misterio ata agora, pero científicos do Centro Max-Delbrück de Medicina Molecular en Berlín conseguiron desvear o segredo da resistencia desta especie. Os achádegos, publicados na revista Science, poden axudar a entender a dor crónica que os seres humanos poden experimentar debido á acumulación de ácidos en certos tecidos.

Pese á súa inusual insensibilidade ás queimaduras que causa o ácido, as ratas topo que habitan en Etiopía, Kenia e Somalia teñen as mesmas moléculas detectoras de ácido dentro dos seus receptores da dor que o resto de vertebrados. Sen embargo, o equipo dirixido polo investigador Ewan St. John Smith mostra que os receptores da dor das neuronas das ratas topo teñen unha variante específica nas súas canles de sodio. Os protróns bloquean fortemente esta variante e deste xeito inhiben á neurona de acender unha sinal de dor.

FONTE: Xornal ABC/Ciencia.

O ACEITE DE ARGAN

Publicado: 19/12/2011 08:18 por vgomez en OUTRAS COUSAS
20111218114644-11391331-argan-oil-jar-and-leaves.jpg

 Aceite de argan / Imaxe:prlog.org

Coñecemos moitos tipos de aceites. O ouro líquido ou aceite de oliva, aceite de xirasol, aceite de millo..., pero aceite de argan? O caite de argan é o ouro líquido de Marrocos.

O argan (Argania espinosa), coñecido tamén como acebuche espiñento pertence á familia das sapotáceas, de folla coriácea, flores pequenas e amarelas, e froito como un dátil verdiamarelo, de lentísimo crecemento tarda de cinco a seis anos en dar o seu primeiro froito.

Atópase en Marrocos, en toda a franxa que vai ata Tarourudant e Tiznit, no límite sahariano. Tamén se encontra en certas zonas de México e uns poucos exemplares en Andalucía. Medran en zonas de altitud e non superior a 800 metros, en clima seco. As súas raíces son profundas, ata 10 metros de profundidade, polo que aguantan ben cun par de boas chuvias ao ano. En tempo excesivamente seco perde as súas follas, evitando a excesiva transpiración, para volvelas a recuperar coas primeiras chuvias.

Os foitos desta árbore, de onde se extrae o aceite, que empezan a madurar coas primeiras calores de xuño, recóllense tradicionalmente dunha maneira moi orixinal: recoléctanas as cabras. Cando o pasto escasea, as cabras sóbense ás árbores para comer as súas follas, os seus brotes tenros e os seus froitos. Pola noite, os animais empezan a rumiar, cuspindo os ósos dos froitos, grandes como bellotas e duros como almendras, que o pastor recolle. Outro método é recollelos de debaixo da árbore cando estes caeron maduros e deixalos secar, pelalos e sacar o óso.

Cada óso tense que partir, contendo 3 pipas do tipo das cabazas. Tóstanse ata que comencen a ennegrecer, machácanse e móense ata que unha mel opaca e espesa empeza a chorrear pola boca do muíño. Ten a consistencia dunha crema de sésamo. Durante unha semana descansa nun lugar fresco e escuro ata que se seque. Fórmanse bolas que se apretan ata que empeza a escurrir, pouco a pouco, aceite desta pasta semiseca. O aceite é lixeiro e transparente, máis lixeiro e dixestivo que o de oliva, de cor marrón claro e sabor forte e agradable.

O aceite de argan é o aceite máis caro do mundo, polo que tamén é chamado o ouro liquido de Marrocos. A botella de aceite de argan extra virxe 20 cl. pode chegar a custar a friolera de 17€.

Está composto ata nun 80% de ácidos grasos esenciais (ácido linoléico 50 %, ácido alfalinolénico 15 %, ácido oleico 12 %, ácido araquidónico 1 %, ácido gammalinolénico 3 %) e contén grandes cantidades de tocopheroles (vitamina E) (case tres veces máis que o aceite de oliva) e phytosteroles (D-7steroles). É apreciado polo seu efecto anti-aging pola gran cantidade de antioxidantes e os seus poderes curativos. Ademais ten  efectos antiséptico e funxicida.

É aconsellado para reducir os niveis de colesterol e previr enfermidades cardiovasculares. Tamén se utiliza en casos de esterilidade masculina e feminina e cando hai perigo de aborto. Existen populares preparados fortalecedores e tonificantes para nenos, persoas débiles e convalecentes, que usan como base este aceite.

Os dermatólogos recomendan este aceite porque alivia as queimaduras do Sol e para combatir enfermidades dermatolóxicas como a neurodermite e a psoriaxe. Na cosmetoloxía moderna aplícase o aceite de argán na pel polo seu efecto rexenerativo.

En resumo é un aceite multiúsos: é unha peza nutricional, reúne ventaxas sobre outras enfermidades (hipertensión, perfil lipídico sanguíneo) e tamén utilízase en cosmética.

VACACIÓNS DE NADAL

Publicado: 21/12/2011 08:14 por vgomez en COMUNICADOS
20111218115827-vacaciones-navidad.jpg

 

Hoxe ás 14 horas comenzan as VACACIÓOOOONS de Nadal. Tempo de descanso e de festas, fundamentalmente familiares. Este parón levaranos ata o día 9 de xaneiro, luns, no que retomaremos a actividade escolar.

Espero que disfrutedes e que recarguedes as pilas!

INVERNO

Publicado: 22/12/2011 09:19 por vgomez en DOCENCIA
20111218103243-tumblr-l8x7jojrrz1qcgghi.jpg

Inverno / Imaxe:sweet-song.tumblr.com

Hoxe, xoves 22 de decembro, ás 6 horas e 30 minutos, hora oficial peninsular, comenza o invierno no hemisferio Norte, segundo o convenio astronómico. Esta estación, a máis curta do ano dende hai algúns séculos, durará 88 días e 23 horas. Aa primavera chegará o día 20 de marzo de 2012.

O inicio das estacións ven dado, por convenio, por aqueles instantes no que a Terra se atopa nunhas determinadas posicións na súa órbita ao redor do Sol. No caso do invierno, esta posición dase no punto da eclíptica no que o Sol acada a súa posición máis austral. O día no que isto sucede, o Sol alcanza  a súa máxima declinación Sur (-23º 27’) e durante varios días a súa altura máxima ao mediodía non cambia, e por iso, a esta circunstancia chámaselle tamén solsticio (“sol quieto”) de invierno. Neste instante no hemisferio sur comenza o verán.

Por estas datas dase tamén o máximo acercamento anual (perihelio) entre a Terra e o Sol. Nesta ocasión, será próximo día 5 de xaneiro de 2012, sendo a distancia de algo máis de 147 millóns de quilómetros, uns 5 millóns menos que no momento de afelio ou de maior distancia (5 de xullo de 2012).


WIKIPROBLEMS

Publicado: 22/12/2011 14:46 por vgomez en OUTRAS COUSAS
20111222134726-dibujo1.jpeg.bmp

 

Hoxe quérovos presentar unha páxina web dun antigo alumno meu, que segue a estudar no noso IES. Trátase de WIKIPROBLEMS, e tal como indica o autor  Iago Patiño "es una página web sin fines comerciales que tiene por objetivo informar sobre los problemas del mundo en el que vivimos".

Deséxolle moito éxito e se vós queredes coñecela só tedes que pinchar AQUÍ. De calquera xeito figura tamen en ENLACES.


PREMIOS FOTCIENCIA 2011

Publicado: 23/12/2011 07:27 por vgomez en FOTOVERDE
20111222185737-estructura-invisibles.jpg

Estruscturas invisibles / Imaxe:Fotciencia.es

FOTCIENCIA 2001 chegou á súa 9 edición. É un certame de fotografía científica convocado polo Consello Superior de Investigacións Científicas (CSIC) e a Fundación Española para a Ciencia e aa Tecnoloxía (FECYT) cuxo obxectivo é achegar a ciencia e a tecnoloxía aos cidadáns mediante unha visión artística e estética a través de imaxes científicas.

A gañadora absoluta nesta edición é "Estructuras invisibles", que podedes apreciar na fotografía adxunta, e o seu autor é Carlos Cuenca Solana. Nela amósase a acumulación de burbullas, tras un longo repouso, estructuras tan finas e lixeiras que parecen invisibles. A substancia que forman estas pompas baséase unha mestura de xabrón, glicerina e auga en proporcións concretas, ademais do aire que queda ocluído dentro. O líquido discorre por gravidade deixando as aristas cada vez máis finas e a estructura cada vez máis débil. Sen embargo, esta sabia e espontánea construcción segue en pé. A eficiencia dos materiais constitutivos, líquido e aire, é extremadamente alta. Poderemos trasladar este principio de eficiencia e aforro material a estructuras para a arquitectura e a inxenaría? A resposta sempre está na natureza e na ciencia.

Se queres ver o resto das fotos gañadoras só tes que premer AQUÍ.

BO NADAL

Publicado: 24/12/2011 00:33 por vgomez en OPINIÓN E COMENTARIO
20111218120831-bo-nadal.jpg

Desexo, a tódolos seguidores deste blog, que pasedes unhas boas festas, nestas datas tan entrañables.

Bo Nadal!

Víctor.

O COMETA LOVEJOY SOBREVIVÍU

Publicado: 25/12/2011 11:02 por vgomez en NOTICIAS DAS CIENCIAS

 

Contra todo pronóstico o cometa Lovejoy sobrevivíu ao seu paso polo Sol. Os científicos crían que se desintegraría cando se situara a unha distancia de 140.000 quilómetros do astro rei.

Agora, o microsatélite Proba-2 da Axencia Espacial Europea (ESA) obtivo imaxes do paso do cometa Lovejoy pola coroa solar, o pasado día 16. Neste caso, a nave utilizou filtros ultravioletas que permiten observar como o extremo do cometa pasa a 120.000 quilómetros do Sol sen desintegrarse.

Concretamente, a imaxe captada, repetida 3 veces cada toma,  amosa ao cometa como unha raia brillante na coroa solar e como as interaccións entre a cola do cometa provocan un breve resplandor. Ademais, pode apreciarse como se move a cola (como consecuencia do vento solar) e como se despraza ao seu paso xunto ao astro. Así, Proba-2 recolle como o cometa pasa por detrás do Sol e volve a aparecer ao outro lado da esfera.

FONTE: Xornal El Mundo/Ciencia.

FELICIDADES NOÉ

Publicado: 27/12/2011 08:05 por vgomez en ZONA VERDE
20111223072613-anabam-iii.15.12.2011.premio-noe.2011.facultade.1.jpg

 

Hoxe temos que felicitar a un antigo alumno do noso centro e membro de ANABAM,  Noé Ferreira , que acaba de obter o 3º premio no VIII Concurso de Fotografía Biolóxica 2011 que organiza a Universidade de Vigo.

A foto, que vedes nesta información, leva por título "Creando Bosques" e foi obtida no ano 2008 cando se levou a cabo unha plantación colectiva para crear o que se chamou "Un bosque para unha bolboreta", unha actividade organizada por ANABAM para facer un pequeno bosque dedicado á bolboreta Charaxes jasius,  na que aparecen un neno e unha nena no momento no que estaban a plantar o seu érbedo.

Felicidades!

FONTE: Galiciasuroeste.info


PENÍNSULA IBÉRICA DE NOITE

Publicado: 28/12/2011 09:32 por vgomez en FOTOVERDE
20111227085321-iss030-e-010008-lrg.jpg

"Península Ibérica de noite". Este é o subtítulo desta fotografía que publica a web oficial do Observatorio da Terra da NASA , onde tralo anoitecer vense as luces da xeografía de España e Portugal.

O cometido deste observatorio é compartir co público imaxes, historias  descubrimentos sobre o clima e o medio ambiente que xurden das investigacións levadas a cabo pola axencia espacial estadounidense.

FONTE:earthobservatory.nasa.gov


RECORTES

Publicado: 29/12/2011 11:06 por vgomez en OPINIÓN E COMENTARIO
20111228175139-20111228elpepuopi-1-1.gif

Esta viñeta de Erlich, de onte no xornal El País, é o motivo do meu comentario. Mañá, hai Consello de Ministros, e parece ser que nel anunciaranse os RECORTES, aínda que algúns xa transcenderon: conxelación do salario mínimo interprofesional (641,40€, o máis baixo despois de Portugal), conxelación dos salarios dos funcionarios (o ano pasado xa foron rebaixados no 5%), paralización de infraestructuras (estarán entre elas o AVE a Galicia?), servizos de atención  a Dependencia e Domiciliaria, servizos Médicos e Farmacéuticos, Becas, Educación,... E esto será a solución?

Seguramente a eles coincidiranlle as contas, pero vai ser similar ao paso de Atila e os hunos pola estepa. A curto prazo será "a solución", pero a medio e longo prazo será "un retroceso".

Posiblemente hai que axustar a relación ingresos-gastos xa que vivimos ou consentimos vivir por riba do que realmente podiamos, pero un "paron" deste tipo vai poñer a economía a cero ou a relentí moito tempo, todo o contrario do que o goberno parece pensar.

De calquera xeito, mellor que me trabuque!

20111229113226-1325101967-886881-1325102117-noticia-normal-1.jpg

Ilustración das sondas xemelgas da misión Grail na órbita da Lúa / NASA / JPL

As dúas naves xemelgas Grail, que foron lanzadas ao espazo o pasado 10 de setembro, están a punto de chegar ao seu destino: a Lúa. A Grail A chegará  o próximo sábado 31 e a Grail B farao o domingo día 1. A distancia da Terra á Lúa é duns 400.000 quiilómetros e as naves do programa Apolo tardaban menos de catro días en chegar. As Grail, sen embargo, recorreron uns catro millóns de quilómetros en case catro meses. A razón é que viaxaron dando un gran rodeo, pasando polo punto de equilibro gravitatorio Sol-Terra denominado Lagrange 1. Os expertos da NASA elexiron esta estratexia para poder lanzar as naves ao espazo nun foguete máis pequeno –e máis barato- que indo directamente (partiron xuntas nun Delta II) e para ter máis tempo de verificación e posta a punto dos equipos de a bordo.

Despois de recorrer esa distancia por separado seguindo unhas longuísimas traxectorias case paralelas, agora poñeranse en órbita lunar separadas unha doutra por unha distancia duns 200 metros de media para, voando en formación, levantar un mapa gravitatorio do satélite natural da Terra, o que permitirá coñecer mellor a súa estructura interna.

As naves, duns 300 quilos cada unha e cun tamaño pouco maior que unha lavadora doméstica, levan uns equipos para medir a distancia entre elas con gran precisión (un erro máximo equivalente ao diámetro dun glóbulo vermello) e  sobrevoarán o satélite natural a 55 quilómetros de altura e pasando case polos polos. Os datos adquiridos (cen veces máis precisos que os que se coñecen agora para a cara visible do satélite e mil veces para a cara oculta) permitirán aos científicos confeccionar un mapa gravitatorio lunar de alta resolución, o que proporcionará información de gran interés sobre a estructura interna da Lúa e a  súa evolución.

A misión debe funcionar en órbita lunar durante 82 días. Está previsto que comence a fase de toma de datos científicos o próximo marzo, unha vez rematadas tódalas maniobras para colocar os dous artefactos na órbita de traballo e calibrado dos instrumentos.

FONTE: Xornal ABC/Ciencia.

 

CINE: UN LUGAR PARA SOÑAR

Publicado: 30/12/2011 09:51 por vgomez en OPINIÓN E COMENTARIO
20111227132204-un-lugar-para-sonar.jpg

Hoxe chega ás pantallas dos cines a película "Un lugar para sonar", basada nas memorias de Benjamin Mee, un home que gastou tódolos seus aforros en mercar un ruinoso zoo con máis de 200 animais exóticos na campiña inglesa. Esta é a súa ficha técnica: 

Título: Un lugar para soñar

Título Orixinal: We Bought a Zoo

Xénero: Drama

Nacionalidade: USA

Productora: 20th Century Fox

Ano: 2011

Director: Cameron Crowe

Guión: Cameron Crowe, Aline Brosh McKenna

Música: Jon Thor Birgisson

Fotografía: Rodrigo Prieto

Reparto: Matt Damon, Scarlett Johansson, Elle Fanning, Thomas Haden Church, Carla Gallo, John Michael Higgins, Angus Macfadyen, Stephanie Szostak, Desi Lydic, Peter Riegert, J.B. Smoove, Mark Hengs, Patrick Fugit, Colin Ford, Maggie Elizabeth Jones.

Duración: 124 minutos

Sinopse:  Mee (Matt Damon), xunto cos seus fillos, tivo que apañarse para coidar da súa muller (Scarlett Johansson) enferma de cáncer cerebral e dun zoo: dos tigres que se escapaban, de críar animais en vías de extinción, de traballar cun equipo mínimo e finalmente da reapertura do zoo. Lily (Elle Fanning), unha moza de trece anos que traballa ilegalmente como camareira nun restaurante próximo ao zoo, rápidamente fai amizade con Kelly, a muller, que ensínalle a apreciar aos animais que viven no decrépito parque, namorándose do seu fillo (Colin Ford).

Película para consumo vacacional e familiar, na que as dúas horas de duración pasan nun periquete.

RESUMO DUN ANO QUE REMATA

Publicado: 31/12/2011 10:02 por vgomez en OPINIÓN E COMENTARIO
20111230110624-1324896950325.jpg

O ano 2011 remata. Foron 365 días moi intensos en todo o mundo: Xapón co seu terremoto e problema nuclear, os países árabes coa súa particular primavera, España coa "fin" da violencia de ETA, indignados e cambio de goberno, Europa cos "mercados" modificando gobernos e complicando a zona euro, o mundo coa morte de Bin Laden e as guerras, e así un longo etcétera. Pero penso que merece a pena analizar polo miúdo todo o que deu de si este ano. Se o queres facer só tes que pinchar AQUÍ.

FONTE: rtve.es

FELIZ 2012

Publicado: 31/12/2011 15:18 por vgomez en OUTRAS COUSAS
20111227140054-9669179-feliz-a-o-2012-2.jpg

Esta noite ás 12, despois das tradicionais campanadas, comenza o ano 2012, sobre o que moitas culturas pronostican como a fin da civilización ou tamén no que haberá un cambio importante na orden mundial.

Sexa como sexa, o que si acontecerá é que terá 1 día máis (ano bisesto), que se celebrará a Eurocopa de fútbol en Polonia e Ucrania, os Xogos Olímpicos de Londres e sobre todo que o seguiremos pasando mal por eso da economía.

Pero eso chegará a partir de mañá. Disfrutemos hoxe do remate dun ano e do comenzo doutro cos mellores desexos para o 2012.

Feliz 2012 para todos!

Un saúdo de Víctor. 



Archivos

Ms

contador de visitas

Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris
Plantilla basada en el tema iDream de Templates Next