Se muestran los artículos pertenecientes a Diciembre de 2008.

FENÓMENO ASTRONÓMICO

Publicado: 02/12/2008 14:01 por vgomez en OPINIÓN E COMENTARIO
20081202140106-1228128220-extras-portadilla-1.jpg

 

Esta pasada noite producíuse un curioso fenómeno astronómico: A Lúa pasou por diante de Venus ocultando ese planeta.

Venus e Xúpiter son os dous astros máis brillantes do ceo e nestas noites están lucindo tanto no ceo que máis dun pensara que se moven, aproxímanse, afástanse, suben, baixan, ...

Podedes velos  trala  posta do Sol mirando cara o suroeste.

POZNAN

Publicado: 03/12/2008 08:10 por vgomez en ZONA VERDE
20081202194302-01-poznan-02.jpg

Poznan é unha cidade situada no centro-oeste de Polonia. Pasaría desapecibida, pero nela estase a celebrar dende  onte, luns, a XIV Conferencia das Nacións Unidas sobre o Cambio Climático (UNFCCC), na que participan 190 países e que durante dúas semanas debatirán sobre o futuro do planeta.

Este encontro é fundamental para conensuar a folla de ruta que permita acadar un protocolo pos-Kioto na conferencia de Copenhague do próximo ano.

 

 

FOTOS PARA A HISTORIA III

Publicado: 04/12/2008 08:25 por vgomez en OPINIÓN E COMENTARIO
20081202191716-heroe-americano.jpg

Charles Lindberg (Foto : LIFE)

Na fotografía aparece o aviador estadounidense Charles Augustus Lindbergh (1902-1974),  sendo o primeiro en cruzar o océano Atlántico, nun voo en solitario e sen escalas, entre Nueva York e París, a máis de 5.800 km de distancia.

O voo, nun  avión denominado Spirti of St. Louis, comenzou o 20 de maio de 1927 e durou 33 horas e 32 minutos.

AVES

Publicado: 04/12/2008 23:33 por vgomez en OPINIÓN E COMENTARIO
20081204233300-explorar.jpg

A fundación BBVA e SEO / BirdLife acaban de editar unha guía multimedia de identificación de aves "Descubre as aves polos seus cantos", unha obra en formato electrónico que se distribuirá nos centros educativos, administracións, técnicos medioambientais, ornitólogos, xestores de espacios naturais e instructores co obxectivo de mellorar o coñecemento sobre as aves silvestres de España.

Se queres disfrutar desta obra podes facelo descargando Enciclopedia das aves de España

 

 

 

AVALIACIÓNS

Publicado: 05/12/2008 15:25 por vgomez en COMUNICADOS
20081202164633-7c9df546.jpg

Estamos a piques de rematar o 1º trimestre e escomenzan os exames de avalición das distintas materias. Tempo de estudo, no que non podemos perder o tempo para lograr uns bos resultados.

As sesións de avaliciación (reunións de todos os profesores-as que imparten ensinanzas nun mesmo curso) serán os seguintes días:

1º ESO A, B, c e D o martes 16 pola tarde.

2º ESO  A, B, C e D o xoves 18 pola tarde.

3º ESO A e B o mércores 17 pola tarde.

3º ESO C e PDC o martes 16 pola tarde.

4º ESO A, B e PDC o martes 16 pola tarde.

4º ESO C o xoves 18 pola tarde.

A entrega de notas será o venres 19 e despois ¡Vacacións!

 

ENERXÍA EÓLICA

Publicado: 09/12/2008 11:49 por vgomez en ZONA VERDE
20081209114825-eolico.jpg

Parque eólico de Tarifa (Foto: Luis Barrios)

A enerxía eólica é a que obtemos do vento. É unha enerxía renovable e limpa que é empregada dende o principio dos tempos nas velas dor barcos e nos muíños de vento. Modernamente é utilizada  para producción de corrente eléctrica nos parques eólicos. Actualmente, España ocupa o segundo posto mundial, só por detrás de Alemania, en potencia eólica instalada, con 11.615,07 MW producidos por 538 parques eólicos en funcionamiento repartidos pola nosa  xeografía.Os parques eólicos presentan un problema grave coas aves, provocandi unha grande mortandade nas mesmas polas aspas dos aeroxeradores.

Pois parece que se atopou unha solución. Un equipo de investigadores do Consello Superior de Investigacións Científicas (CSIC) e a Fundación Migres acaban de ultimar un  dispositivo capaz de detectar a presenza de aves e a súa traxectoria, co fin de deter as aspas do aeroxeradores para evitala súa morte.

O prototipo está en fase de ensaio de campo para dentro duns meses pasar a fase de producción.

¡Unha boa noticia!

 

Hoxe 10 de decembro celébrase o 60 aniversario da Declaración dos Dereitos Humanos (1948-2008). O 10 de decembro de 1948 a Asemblea Xeral das Nacións Unidas aprobou e proclamou a Declaración Universal dos Dereitos Humanos.

Neste vídeo realizado polo Departamento de Ciencias Sociais do IES Juan José Gómez Quintana de Suances (Cantabria), faise un repaso dos motivos desta Declaración, asÍ coma do seu contido.

Loita polos Deieitos Humanos ¡Aínda hai moito por facer!

NOVO DESCUBRIMENTO DO HUBBLE

Publicado: 11/12/2008 11:48 por vgomez en NOTICIAS DAS CIENCIAS
20081211113957-1228921919-0.jpg

O telescopio espacial Hubble (que foi lanzado hai 18 anos e que orbita a 575 quilómetros sobre a Terra e que revolucionou a astronomía grazas á súa habilidade de escudriñar o universo, devolvendo imaxes libres das distorsións que xera a atmosfera terrestre) acaba de descubrir dióxido de carbono (CO2) e monóxido de carbono (CO) na atmosfera dun planeta fóra do noso Sistema Solar coñecido como HD189733b a 63 anos luz da Terra.

HD189733b é un planeta do tamaño de Xúpiter e está preto da estrela que lle dá o seu nome HD 189733, que tarda só 2,2 días en xirar en torno a ela. Está formado por gases e líquidose é demasiado quente (máis de 900 ºC) para aloxar vida tal como a coñecemos. Sen embargo, os compostos orgánicos detectados poden ser consecuencia de procesos de vida e, se fosen detectados nunha planeta similar á Terra, poderían «prover a primeira evidencia de vida máis aló do noso planeta», indicou a NASA.

PREMIOS "FOTCIENCIA08"

Publicado: 12/12/2008 17:20 por vgomez en FOTOVERDE
20081212172013-premios-fotciencia08.jpg

"Estímulos olfativos", de Pablo García García (León), primeiro premio na categoría xeral.

O CSIC (Consello Superior de Investigacións Científicas) e a  Fundación para a Ciencia e a Tecnoloxía (FECYT) concederon os premios de fotografía científica 2008. Durante varios día publicaremos as mellores fotografías. Hoxe escomenzamos co primeiro premio.

PREMIOS "FOTCIENCIA08" II

Publicado: 12/12/2008 22:33 por vgomez en FOTOVERDE
20081212172859-premios-fotciencia08iii.jpg

"Libre al sur del Duero", de Alberto García Gómez (Madrid)

Esta é a fotografia máis votada na categoría xeral polos visitantes na páxina web de Fotociencia.

REMATA A CUMBRE CLIMÁTICA DE POZNAN

Publicado: 13/12/2008 06:29 por vgomez en ZONA VERDE
20081213062911-gore-cumbre-clima-poznan.jpg

Al Gore, na cumbre do clima de Poznan (Foto: EFE)

Na pasada madrugada rematou en Poznan (Polonia) a XIV Conferencia das Nacións Unidas sobre o Cambio Climático (UNFCCC), na que participaron 190 paises e con poucos acordos importantes.

Os documentos que saen desta conferencia son manter a referencia da conferencia de Bali (Indonesia) do pasado ano, sobre reducción de emisións de gases  de efecto invernadoiro entre un 25 e un 40 % para os países industrializados. Así mesmo danlle un impulso ás axudas destinadas aos países pobres para facer fronte aos efectos do cambio climático, aínda que cunha cuantía moi baixa, polo que os países afectados mostraron a súa decepción.

Escomenza agora o camiño cara a cumbre de Copenhague, para a que queda case un ano e da que terá que saír un novo réximen climático que sustitúa ao protocolo de Kioto, que remata no 2012. Para logralo haberá catro citas antes da danesa, a primeira en marzo a celebrar en Bonn (Alemania).

Esperemos que daquela a crise non faga acto de presencia, coma nesta, e os compromisos sexan maiores.

Se aínda non coñeces o contido do protocolo de Kioto pincha no seguinte enlace e obterás toda a información sobre o mesmo PROTOCOLO DE KIOTO

PREMIOS "FOTCIENCIA08" III

Publicado: 14/12/2008 22:33 por vgomez en FOTOVERDE
20081212172431-premios-fotciencia08ii.jpg

"Vapores volcánicos", de Irineu Illa Bochaca (Girona), accésit.

 

FUNDACIÓN BIODIVERSIDAD

Publicado: 16/12/2008 10:53 por vgomez en ZONA VERDE
20081215195104-icobiodiversidad.jpg

A Fundación Biodiversidade é unha organización da natureza fundacional, sen ánimo de lucro, cuxa actividade desenvólvese no ámbito da conservación, estudo e uso sostible da biodiversidade, así como a cooperación internacional ao desenvolvemento.

O 22 de decembro de 1998 constituíuse, mediante escritura pública, a Fundación Biodiversidade, pero foi en setembro de 2004 cando inicia unha nova etapa  con novos obxectivos, principios e liñas estratéxicas.

Se queres coñecer polo miúdo esta fundación, terás dende hoxe un enlace,  aínda que podes facelo pinchando en Fundación Biodiversidade

ASTRONOMIA: DESCARGAS GRATIS

Publicado: 16/12/2008 19:41 por vgomez en OPINIÓN E COMENTARIO
20081216154718-1a450e4fee.png

O 27 de Outubro de 2006 a Unión Astronómica Internacional (UAI) anunciou a declaración pola UNESCO do ano 2009 como o Ano Internacional da Astronomía (AIA-IYA2009).

Entre outra iniciativas o Instituto Astronómico de Canarias (IAC) abre o proxecto ASTRO. Trátase poder descargar, para todos os públicos e totalmente gratis a partir de hoxe, imaxes do universo para móbiles e ordenadores. Imaxes coma un eclipse de Lúa no móbil ou de galaxias para salvapantaias do ordenador son algúns deses productos que podes ter á túa disposición  na páxina gratuíta do proxecto Astro: (www.astroparatodos.es).

Se queres acceder xa pincha en MOBIL E ORDENADOR.

 

ENTREGA DE NOTAS

Publicado: 17/12/2008 19:46 por vgomez en COMUNICADOS
20081217194600-calificaciones.jpg

 

O venres, 19 DE DECEMBRO,  de 11 a 12 horas (nas aulas respectivas) os titores procederean á entrega de notas. Haberá transporte escolar, tendo en conta que ás 11 ten que estar no IES e marchará de novo ás 12 horas.

Espero que os resultados vos sexan moi favorables. ¡SORTE!

BOAS VACACIÓNS

Publicado: 18/12/2008 16:00 por vgomez en OPINIÓN E COMENTARIO
20081213075341-bolas-y-vela.jpg

Quérovos desexar un bo Nadal para todos e todas. Que pasedes unha boas vacacións e que o novo ano 2009 sexa venturoso e cheo de felicidade.

Unha aperta.

VICTOR

ENCELADO

Publicado: 21/12/2008 11:15 por vgomez en NOTICIAS DAS CIENCIAS
20081218115900-1229456832-0.jpg

Imaxe captada pola sonda "Cassini"das fendas en Encelado que suxiren a presencia dun océano subterráneo de auga líquida. (Foto: NASA)

Saturno, o segundo planeta máis grande do Sistema Solar, ten oficialmente 33 satélites, sendo Titán o maior deles. O terceiro satélite en orde de distancia a Saturno e o sexto en tamaño é ENCELADO.

A súa órbita está a unha distancia media de 238.000 km do planeta e cun período de 32 horas e 53 minutos. O seu diámetro é de 500 km. Foi descuberto por Herschel no borde máis externo dos aneis de Saturso.

A sonda Cassini da NASA acaba de atopar indicios dun océano de auga líquida baixo a súa superficie. Esta conclusión foi presentada o pasado martes no Congreso da Unión Geofísica Americana que se está a celebrar en San Franciosco.

Para os investigadores da NASA este achádego suxire que baixo a superficie da lúa hai un mar de auga líquida que provoca rupturas na súa códea dunha forma similar ao sistema de placas tectónicas da Terra.

Non  obstante, esta investigación recalca que, de momento, só se trata dunha hipótese que só podería confirmarse na mesma lúa de Saturno.

HESPÉRIDES

Publicado: 21/12/2008 11:47 por vgomez en ZONA VERDE
20081221111859-1229771718-0.jpg

Buque "Hespérides" (Foto: CSIC)

O Buque de Investigación Oceanográfica (BIO) "HESPÉRIDES", da Armada española, con base en Cartagena, foi construído e botado o 12 de marzo de 1990. Tamén ten responsabilidades da xestión científica o Ministerio de Cinecia e Tecnoloxía.

Ata hoxe o BIO realizou numerosas campañas de investigación, recorrendo máis de 300.000 millas náuticas e acollendo a máis dun millar de investigadores e técnicos nacionais e estranxeiros.

A noticia é que onte, sábado, zarpou de cartagena para iniciar a XIV campaña antártacica, coa que conclúe a súa participación no Ano Polar Internacional.

O  estudo do desxeo nos polos será unha das actividades máis interesantas que realizarán os científicos españois que participan na misión.

 

A dotación será exclusivamemte militar (50 homes e 6 mulleres) ata a chegada do barco, a finais de xaneiro, a Punta Arenas (Chile), onde embarcarán 37 científicos para realizar varias campañas, unha delas a denominada ATOS-Antártida sobre o desxeo dos polos. Outras campañas serán sobre contaminación orgánica provocada polo home nos polos, outra denominada Caribe Norte, etc.

¡Voa viaxe!

INVERNO

Publicado: 21/12/2008 15:12 por vgomez en OPINIÓN E COMENTARIO
20081221151221-inverno-castagni.jpg

 

Hoxe domingo, 21 de decembro, ás 13:04 horas, entrou oficialmente o inverno. Nel seguiremos ata o 20 de marzo de 2009 ás 11:44 horas en que entrará a primavera.

Tempo de frío. ¡É o que toca!

ALEX

Publicado: 29/12/2008 09:16 por vgomez en OPINIÓN E COMENTARIO
20081229085238-alex.jpg

O loro Alex  (Foto: Arlene Levin-Rowe)

Alex era un loro. Digo era, pois morreu no ano 2007 despois de 31 anos (pensade que viven entre 50 e 60 anos) a causa dun infarto. Ata aquí non deixaría de ser unha cousa normal, pero a noticia é que era anormal (fóra do corrente): Manexaba un vocabulario de 150 palabras, identificaba obxectos, números, cores e formas, chegando a desevolver unha intelixencia dun neno de 5 anos.

A súa profesora (psicóloga), Irene Pepperberg, escribíu un libro titulado "Alex e eu" no que  conta a vida deste loro, coas aprendizaxes mútuas. Por certo este libro é un grande éxito en ventas (Best-Seller) en Estados Unidos.

Segundo a opinión de Pepperberg "os loros son capaces non só de imitar, senón de razoar a un nivle básico e usar palabras creativamente"

¡Como vedes non era un loro normal!

O BOSQUE DE CASCAXIDE

Publicado: 29/12/2008 18:21 por vgomez en ZONA VERDE
20081229181903-d19c4f1.jpg

Seguro que o nome de Cascaxide non vos soa de nada. Persoalmente si teño certo coñecemento do lugar pois hai anos, en A Guarda houbo unha mestra no antigo Colexio Manuel Rodriguez Sinde chamada Dona Isabel (seguro que moitos dos vosos pais pasou polas súas mans, como algunha filla miña) e que era preto deste lugar. Atópase na parroquia de Escuadro, pertencente a Silleda (Pontevedra).

A noticia é que nese lugar atópase un bosque (que forma parte dun pazo que leva o mesmo nome) cunha masa arbórea única e singular, polo que o Ministerio de Medio Ambiente acaba de concederlle o "Premio del Árbol y del Bosque del Año". A súa propietaria Lucía Espinosa denunciou talas e proponse mantelo preservando o contorno natural.

¡As nosas felicidades e que o exemplo cunda!

 

 

2008: UN SEGUNDO MÁIS

Publicado: 30/12/2008 11:14 por vgomez en OPINIÓN E COMENTARIO
20081229180120-reloxo-atomico-de-pragajpg.jpg

Reloxo Atómico de Praga

¡Por un segundo! Esta frase feita indica que non o conseguín por pouco tempo. Pois ben, neste ano, mellor dito o último minuto deste ano 2008, terá un segundo máis. ¿Por qué?

A razón é para correxir un pequeno erro entre os reloxos atómicos (inventados a mediados dos 50 e  baseados na oscilación dun átomo -xeralmente Cesio- que marca unha frecuencia, que multiplicada miles de millóns de veces, permite contar segundos) e o tempo astronómico (baseado na rotación da Terra).

Este segundo adicional (que é xa o vixesimo cuarto segundo engadido dende 1972, sendo o último en 2005) vai manter alieado o UTC (Tempo Universal Coordinado) e  as escalas astronómicas variables GTM (Tempo do Merdiando deGrrenwich).

¡Aproveitaremos ese tempo!

 

INE

Publicado: 30/12/2008 12:40 por vgomez en OPINIÓN E COMENTARIO
20081230123950-logoine.gif

O INE (Instituto Nacional de Estadística) acaba de publicar os datos de poboación con referencia a 1 de xaneiro de 2008. Os datos xerais que poden interesar son os seguintes:

España ......................... 46.157.822 habitantes

Galicia ..........................    2.784.169 habitantes

A Coruña .....................     1.139.121 habitantes

Lugo .............................        355.549 habitantes

Ourense .......................        336.099 habitantes

Pontevedra ..................        953.400 habitantes

 

A Guarda .....................          10.404 (48 máis que en 2007)

Varóns .........................              5.060 (40 máis que en 2007)

Mulleres .......................              5.344 (8 máis que en 2007)

 

Para consultar calquera outro dato pincha en INE

FELIZ 2009

Publicado: 31/12/2008 11:33 por vgomez en OPINIÓN E COMENTARIO
20081231113306-ano-novo.jpg

 

Que o ano 2009 sexa venturoso para todos e todas

Unha aperta

VICTOR